細細個養過下魚 不過冇養水草 不過都唔係專業果隻啦當然
之後去左外國讀書就冇幾會養 而家想養缸魚係房 好鬼鍾意魚T_T
魚缸大細就 長17吋 闊11.5 高11 個櫃係得咁大冇計-.- 會訂做 d 玻璃要幾厚??圓角定方角好?
仲有我係諗住放佢入個櫃度 係咪會對d 魚冇咁好?
想養水草+魚仔 有咩水草好介紹 水草真係唔識...
班馬 孔雀 燈魚果d 可唔可以一齊養 養最好同最多幾條? 有冇其他魚種可以介紹比我
我睇過d post 好似話用咩泥最好等水草有足夠養份用咩沙比水草最好?
過濾器用 桶果隻邊隻好用(因為唔想成日換水XD?
燈同暖管用幾Watt好... 用咩糧好一日幾多次... 仲有冇其他設備, 藥水, 配件要買?

養水方面要養幾耐...幾時落水草幾時落魚...
丫..我記得仲有個叫蛋白質咩咩器既野...洗唔洗買??
洗唔洗打CO2入缸?CO2整法?

我知我好似乜鬼都唔識咁T__T係煩左D 乜都問
但係希望咁多位師兄 師姐 可以詳盡介紹同解釋下
因為我想養好缸魚比好既環境佢(想話最好XD不過一定唔夠咁多位咁專業)

求咁多位師兄師姊 教教小弟T__T...等成事之後一定POST返張相比咁多位睇成果
唔該哂

厚3分左右都足夠,通常直角缸觀賞上靚d,無左轉角位咁影響,
不過就有一條膠邊影響
而彎角就怕佢出現爆缸問題,整得太多野係缸邊會較危險,
同埋彎角係燒出黎,所以易爆d~
新手通常種莫絲、水榕等較易種既
孔雀就唔可以養係水草水泥底缸度,考慮下米奇、燈魚~
水草泥係有養份,係最好,沙就要插根肥,否則會爛根~
有裝濾水器都唔代表唔駛換水,因為成缸舊水,入面果d咩NO之類既會好高,影響到d魚同蝦
燈就睇你種咩草,暖管就可能要75-100watt
養咩魚就跟返用咩糧,通常都係熱帶魚糧,
一日餵一餐好啦,太多對水質唔好~

首先唔該哂師兄先 咁我買方角算-.-唔係一陣訓訓下爆缸就....
咁我想問下用咩牌子既濾桶好?呢個缸既大細要用幾大個-0-?幾耐要換一次水-0-....
co2樽又係要d咩配件 呢樣野真係完全唔清楚-.-"
有冇其他重要既野要注意? 用咩泥-0-...3Q

atman、eheim較出名同多人用,你都可以去問問呢度既管理員~
正常會睇比例,魚缸1L水 : 濾水器10-15L/hr流量
換水可能半至一個月換一次
co樽應該要氣喉、co2細化器,芋外仲有d我都唔清楚,等高手黎答
我用開ADA泥

ada泥衣家品質好似唔係咁好
用番理想水族d亞馬x泥會好d

都係嫁,撞手神嫁咋,
不過都仲係咁多人用
我以前用過一隻雜牌泥$38
d蜈蚣草無插,就咁放係面,兩星期就長左一倍,
無co2無燈,曬太陽

唔該哂兩位
仲有冇師兄可以比建議><唔該~

我自己唔係好識,都唔算得上係咩高手
大約個多月前在這的門市買了一個CF-800及一些泥養水晶蝦,
開缸到現在都只係死過一隻蝦,仲可以繁殖到,
我都滿意,沒有用過其他太多的品牌比較,只覺得用緊的可接受,

講起ada,以前用過就把幾火

我都試過一次,出魚街買過一包ada,
水勁黃,而且搞一搞又起好多泥粉,缸邊仲痴住d毛毛,
之前第一次用唔係咁樣..水唔黃,又無d毛毛出現,對佢既信心都係降左,
如果有錢而想養好d蝦,買白倉會好d~

我見有人訂櫃,你都不仿去問一下
相信都會有得訂缸

出魚街訂一個缸起步$300

樓主開缸了沒有!?
已有半個月,還沒見你的處女缸