好耐都無更新飼養情況了
回顧一下之前嘅事先.......
如果有追開之前嘅post應該會有D印象, 小弟有1個18吋缸作為孔雀魚主缸, 嗰時啱啱玩造景種草, 而孔雀魚數量就處於一個高峰期, 諗住開荒時期可以暫時告一段落, 個人開始懶咗, 可惜事與願違, 因為仲未平衡到養孔雀同種草, 因為光照時間過長, 濾桶唔夠級數較低, 令到個缸造好景唔夠幾日缸邊同全部水草就爆晒啡苔, 有D草仲枯埋, 1個禮拜後大清洗咗1次, 過幾日又開始嚟料, 眼白白睇住最壯嘅 白子天空藍夫婦, 黑木炭先生, 白子美國紅化全紅緞帶夫人慢慢瓜柴, 唯一倖存嘅係玻璃蛇王夫人同1條白子美國紅化全紅緞帶基因嘅魚B, 喺造景攪掂無耐就過咗去外置生仔箱待產/培育, 逃過大難
呢段期間, 小弟另外1個7吋缸收埋咗, 如果及時調返出嚟, D魚可能仲健在........
(囧....第1次有魚B出世, 事前無做準備功夫, 結果得返1001條, 嗰晚咁啱買咗5條金屬紅蕾絲魚B, 但第2日因為生仔箱個濾水隔整得唔好有2條走咗入去濾水部分瓜咗.........另外第1001條魚B養咗幾日都瓜咗........)
(等咗差唔多1個禮拜, 玻璃蛇王夫人就生咗一堆魚B了, 仲要比養咗1個禮拜但無啖好食嘅金屬紅蕾絲魚B大條)
一攰就想懶, 一懶就攪少少嘢都覺得攰, 係一個惡性循環嚟, 但養乜都好, 唔到你懶, 小生命比人類更加脆弱, 呢鑊都乃得幾甘........
大致上就係咁多了, 接住落嚟睇下而家養成點
==============================================================
上個禮拜開咗個12吋缸, 取其"12吋"諧音命名為<實現村>
開缸前............
18吋缸一片頹垣敗瓦
外置生仔箱有1堆 玻璃蛇王魚B
7寸缸有 藍草燕尾夫婦, 白子野生紅化全紅燕尾先生, 白子奶油黃緞帶夫人, 玻璃貓1條, 金屬紅蕾絲魚B 3條, 其中 藍草燕尾先生尾鰭有紅褐邊, 藍草燕尾夫人就生得但未入生仔箱, 白子野生紅化全紅燕尾先生尾鰭有2個細窿狀態麻麻
本來空間就唔多, 但為勢所迫之下, 急切要開多1缸.......
7吋缸為清缸, 入面藍草燕尾先生開始浸藥
12吋缸都為清缸, 入面藍草燕尾夫人生仔箱待產, 另外住咗白子野生紅化全紅燕尾先生, 白子奶油黃緞帶夫人, 玻璃貓1條, 同埋隔離咗嘅金屬紅蕾絲魚B 3條
18吋缸不日更新........
第2晚藍草燕尾夫人就生咗1堆魚B , 真係攪遲1日都唔掂
幾日後, 藍草燕尾夫人, 白子野生紅化全紅燕尾先生尾鰭都有埋紅邊, 但藍草燕尾先生就嚟好返但又未好晒, 迫住同藍草燕尾夫人, 白子野生紅化全紅燕尾先生一齊浸藥, 結果第2日又惹返起, 唯有繼續浸.........
個缸又dry返
禽晚又加咗魚....... 差唔多滿缸紅 另外玻璃貓瓜咗, 俾掛濾索水管吸住.........
白子美杜沙燕尾先生1號
白子美杜沙燕尾先生2號與夫人
紅化全紅先生
都係紅化全紅先生
紅化全紅夫人
補返之前 白子奶油黃緞帶夫人清晰版
玻璃蛇王夫人生完半個月都唔夠, 個肚又脹卜卜準備就緒
仲有 小鬍子1條, 相後補
[ 本帖最後由 Doioi 於 2010-4-8 02:14 編輯 ]
|
|