肯德基上校任馬會新主席
 (明報)2010年9月1日 星期三 22:15
【明報專訊】 香港[url=]賽馬會 [/url]噚日公布2009/10年度嘅「成績表」，賽馬、賭波同六合彩嘅投注額共錄得1169億元，較上一季升7.1%。投注額咁高，整體毛利亦增加6.4%，至68.2億元。成績咁好，馬會自然飲得杯落啦！不過，今屆[url=]世界盃 [/url]雖然有保羅撐場，場場估中賽果，但投注額較06年世界盃稍稍下跌1.6%，得44.4億元。
投注額高 馬會毛利增6.4%
馬會成績咁好，大家不妨估吓要交幾多[url=]博彩稅 [/url]？答案係136億元，創歷來新高；同時，馬會畀香港賽馬會慈善信託基金嘅捐款亦刷新紀錄達15億元。
另外，馬會噚日可謂雙喜臨門，周年大會選出貌似「肯德基上校」嘅施文信擔任新主席。施文信同Emily講，佢1970年代嚟到香港，仲有個中國籍太太同囡囡，但講到廣東話呢，佢就耍手擰頭話「咪搞」！施文信亦係熱愛體育之人，除咗由01年起擔任香港欖球總會會長之外，仲係馬主。Emily問施文信有冇興趣買番隻馬仔玩吓，佢立刻話好有興趣。
與政府商調整稅收
新官上任會唔會有大搞作呢？施文信就話唔會，只會維持一貫馬會主席作風，嚟緊會主力搞好亞運會同喺廣東從化嘅賽馬運動訓練場。施文信亦都會利用佢會計既背景，同政府傾吓調整稅收嘅可能性。
施文信1999年開始出任香港賽馬會董事，08年3月獲選為副主席，昨獲選為新任主席，填補退休嘅[url=]陳祖澤 [/url]。同時，遴選委員會選出李家祥為新任董事。
|
|
