都係人地fw比我~~
各位sis坐開西鐵既~~~要小心小心
此乃屯門西鐵咸蟲色魔阿叔,請通知身邊女性親人&朋友小心呢個人
,呢個阿叔不只一次,係長期o係西鐵搵食!
事發經過第一次發生係5月尾)兆康站上車,一上車佢坐我對面,就特登行過黎坐我右手邊(我左手邊係玻璃),我就無理佢繼續打
機,點知我覺得越坐越迫,就望下隔離係咪真係咁迫,4個位都有人
坐(包括我同個阿叔),阿叔右手邊係個男仔,但就好大個空位,可
以坐到一個小朋友既空位,佢就越迫越埋黎,直情係佢既左邊身係緊
貼我右邊身!大腿貼大腿,我就成個痴左埋個玻璃,我覺得唔對路,
因為真係唔係迫咁簡單,係迫到身貼身!我就跳起鬧個@@:你迫"
銀"夠未!佢無出聲,但我望返個位,我個位得返一個小童可以坐到
既範圍!第一次我就算,當自己唔好彩就走左!
事發經過第二次:發生係6月10日下午2:30分,都係兆康站上
車!一上車好多位,我都係坐返係左邊玻璃個位,個阿叔又係坐係我
右手邊,我亦都係打緊機,所以無留意有乜人坐我則邊,我又感覺到
越黎越迫,就望一望則邊,又係個@@阿叔,今次我就好警覺,我以
為上次鬧完佢,佢唔敢再野我啦!點知又係一樣,越坐越貼,我已經
成個身打則坐,佢就成個身跟住我一齊打則,即係佢大腿係跟住我大
腿一齊打則緊貼,我即刻影相,我就望一望對面兩個女仔,同附近有
冇人留意到呢件事!跟住個阿叔就放個公事袋係下體磨,起初係好慢
,所以我望左一眼唔知佢做緊乜所以無理,跟住佢就越磨越快,我就
即刻跳起影佢相,當我影佢相既時候,咁岩西鐵開門(美孚站),佢
就即刻落車走左去!捉佢都捉唔住,我又唔知報唔報警,因為個人已
經走左!跟住我就問我對面兩個女仔見唔見到?佢地話我地見到呀,
但唔敢出聲同影相,佢地話呢個阿叔唔只一次係咁,係長期成日都係
咁緊貼女性身體!2個女仔話自己都試過比阿叔貼,又見過阿叔貼學
生妹!但原來長期都無一個人出聲!所以就比佢繼續犯案!所以尋晚
我已經去左屯門警局報左警備案,如果再有同類事情發生,警方就可
以起訴佢,即刻係西鐵睇返錄影,等佢可以繩之以法!現請呼籲各位
,如果有人見過呢個阿叔,又或者比呢個阿叔緊貼過既女仔,快D去
報警!因為就係個個都唔出聲,等佢可以越貼越起勁,越黎越過份!
唔好等喇!快D捉左佢!
(請我所有朋友親人Forward呢段野出去,再請朋友再fw出
去!多謝幫忙)
(請好心人幫我fw去高登&各大討論區!萬分感謝)
主角既reply~我copy係到~方便大家睇~希望快d捉到呢個人!!!
好似官塘地鐵個色魔咁!!!
多d人知~就會快d捉到佢!!!
我係主角NICOLE!我想講我O係FB同UWANT POST出黎之後,收到唔同既人回應,都話比呢條友非禮過!而又無人出過聲,所以各位姊妹,不論你自己遇到呢個人又好,見到佢非禮緊人又好,一定要出聲同報警!如果唔係就捉佢唔到架喇!我尋晚放工搭車返屋企個陣,o係輕鐵見到佢,但我無得出聲,不過我已報警,見到佢再犯就可以同警察講,起訴佢!
http://www.theztyle.com/blog/space.php?uid=39172&do=blog&id=100708
