uwants aqua - Powered by Discuz! Board

標題: 悅悠別苑　之　觸目登場　{最後更新　30/3　02:51} [打印本頁]

作者: Doioi 時間: 2010-1-16 23:35 標題: 悅悠別苑　之　觸目登場　{最後更新　30/3　02:51}

話說14/1入手, 新手從來未玩過, 由2200整到0300先入到魚, 慘......
(順便一睇SE Satio手機的拍攝質素, Canon的PS S40瓜了, 一直未買)

(這是落了黃粉的水, 好似無乜分別, 唔知係咪因為開咗光管關係, 但唔敢再落, 下面講)

註:時間關係無做research, 以下我refer"胸鰭"係鰓後支鰭, 腹鰭緊接"胸鰭"後面, 有錯請指正

不幸地一落水即時發現隻乸條尾有幾點白點, 由於15/1加班去唔到總店, 已經嚴重咗, 今日仲勁, 隻乸頭頂, 所有鰭除腹鰭, 背前, 前側身都有白點, 隻乸腹鰭好似唔多識郁, 不過一點白點都無

隻公15/1開始見到右胸鰭多咗兩粒白點, 今日無多到, 唔知知身體其他地方有無, 可能太多色, 睇唔出相show唔到都未定

連條公的右胸鰭都有2點, 不過超難瞄, 影唔到上嚟

16/1晚去咗總店買, 按份量落咗

鹽
一手拎起就咁落, 乃嘢, 即時諗起點解唔溝少少溶水咗佢先落, 兩公婆發狂衝埋去食........

黃粉
水溶性比想像中低低低低低低..........又重覆乃嘢, 落咗2粒芝麻份量, 浮晒面唔溶, 佢哋以為又有得開餐, 我用綿花棒趕佢哋走, 不過都見佢哋食咗少少, 唔知係咪咁攪到之後隻公"high過頭"頹晒(下面接住講)......等咗15分鐘水面黃粉終於消失晒, 應該溶晒呱, 缸水好似唔夠黃, 又用杯仔"筆"起少少水, 落多3粒芝麻份量黃粉, 起勢咁攪都溶淨少少, 趁佢哋游埋一邊就喺另一邊落, 再攪攪攪攪攪, 又過咗15分鐘水面黃粉都散得7788

白點淨
"筆"起少少水, 落咗5滴, 攪勻, 再倒落缸

落晒嘢, 初時好正常, 兩公婆游嚟又去, 跟住我想影隻乸放上嚟瞄到無咗1/3電, 可想而知佢哋幾咁活躍....

唔使半個鐘, 隻公就好似死狗咁沉咗落底, 胸鰭郁得好勁, 開頭隻乸都會主動游去撩吓佢, 佢就識上返中間游(應該話唔正常的亂扭身體, 好似做戲D人啪咗嘢咁) 十零秒又沉過, 如是者15分鐘過後, 隻公又無端端"生猛"返, 同隻乸一齊浮面

隻乸都有少少唔對路的, 平時(都只係養咗2日 Orz..) 唔會喺暖管同濾水出水位, 草後左穿又插的, 隻公唔掂開頭隻乸做吓呢樣嘢, 不過而家又無咁樣, 會游但偏向浮面

上面D close up咁定, 可能因為佢哋都開始頹, 所以先影到

而家真係聽天由命lor, 隻乸仲ok生猛, 隻公頹晒, 成身唔郁, "埃"住個藻球(唔知係咪貪佢舒服), 淨係猛咁郁腮, 隻乸又唔理佢, 上網search過猛咁郁腮呢個反應非常負面.....

正當以為隻公係咁先之際, 過咗20分鐘佢"突然好似瞓醒咗回頭一游",郁咗十零吓又沉, 沉1-2分鐘又起身"開rave party"十零吓, 重覆又重覆.......

總括而家兩公婆活躍度低過之前好多, 但又未至於頹晒

再過十零分鐘臨瞓前update, 而家兩公婆都沉晒底, 哩埋喺草堆度

家陣都未攪清楚為什麼, 就接到睡魔急call, 聽日要返工最快都要1730先去到總店喔, 或者先返一返屋企睇一睇情況先再出嚟?

高手門可以幫幫可憐的兩公婆嗎?

我開工間中上到網的, 有回覆可隨便發表, 等我心中有數, 唔該晒

[ 本帖最後由 Doioi 於 2010-3-30 02:53 編輯 ]

作者: wmh714 時間: 2010-1-17 00:04

其實治療白點病最好用返白點藥,黃粉鹽要有一定濃度先有少少效用

作者: Doioi 時間: 2010-1-17 00:42

QUOTE:

原帖由 wmh714 於 2010-1-17 00:04 發表
其實治療白點病最好用返白點藥,黃粉鹽要有一定濃度先有少少效用

有落白點藥, 不過就上圖所見黃粉濃度唔知夠唔夠?

作者: wmh714 時間: 2010-1-17 00:59

咁睇顏色好難估....
濃度 0.3%-0.5% ：可控制小害蟲，例如白點蟲

作者: prince_cock_kb 時間: 2010-1-17 02:29

鼓勵無私分享 +8威望
想問水溫有否升到28至30度?
睇到掛濾水流太細,用藥的同時最好把水流加大一點點
好多時,用藥初期反應都會比較反覆,
明天起身是一個關口,如果過到問題則不大

另外手機影得好清,質素非凡

作者: Doioi 時間: 2010-1-18 01:03

QUOTE:

原帖由 prince_cock_kb 於 2010-1-17 02:29 發表
鼓勵無私分享 +8威望
想問水溫有否升到28至30度?
睇到掛濾水流太細,用藥的同時最好把水流加大一點點
好多時,用藥初期反應都會比較反覆,
明天起身是一個關口,如果過到問題則不大

另外手機影得好清,質素非凡

多謝支持幫手

水溫而家校咗29度

禽日係一半, 而家掛濾流量開到盡了, 都只係大咗小小

17/1 0530起身睇都係沉底, 2230返歸回復活躍, 抽走1/3水, 一次用1/6水調好鹽、黃粉、白點滴, 倒入, 再補1/6水, 同禽日一樣, 2隻活躍30分鐘沉底, 而家浮面活躍緊, 隻乸白點無再增多, 好似褪走咗少少, 分別唔太明顯, 隻公右胸鰭依然keep住2點, 希望繼續好

[ 本帖最後由 Doioi 於 2010-1-18 01:08 編輯 ]

作者: 270137 時間: 2010-1-18 21:56

QUOTE:

原帖由 wmh714 於 2010-1-17 00:04 發表
其實治療白點病最好用返白點藥,黃粉鹽要有一定濃度先有少少效用

一般養孔雀魚都唔建議用藥,甚至連黄粉我都唔會用...........

作者: 270137 時間: 2010-1-18 22:04

QUOTE:

原帖由 Doioi 於 2010-1-18 01:03 發表

多謝支持幫手

水溫而家校咗29度

禽日係一半, 而家掛濾流量開到盡了, 都只係大咗小小

17/1 0530起身睇都係沉底, 2230返歸回復活躍, 抽走1/3水, 一次用1/6水調好鹽、黃粉、白點滴, 倒 ...

Keep住水温28℃左右,繼續每曰換水及加鹽!!!

但要留意換水要慢,以免出現温差及要養水~~~

作者: wmh714 時間: 2010-1-18 22:07

QUOTE:

原帖由 270137 於 2010-1-18 21:56 發表

一般養孔雀魚都唔建議用藥,甚至連黄粉我都唔會用...........

我自己眼見既,比較高級同貴種既孔雀反而好易死或有病,
我之前養人地d雜種孔雀就未試過有病,而且水都極少換...
由bb養到大,無用濾水器....

作者: 270137 時間: 2010-1-18 22:24

QUOTE:

原帖由 wmh714 於 2010-1-18 22:07 發表

我自己眼見既,比較高級同貴種既孔雀反而好易死或有病,
我之前養人地d雜種孔雀就未試過有病,而且水都極少換...
由bb養到大,無用濾水器....

我相信依個係飼養環境嘅問題,
所謂高級和貴價嘅,多數喺較好嘅環境成長,
適應能力相對下降..........

另外少換水甚至吾換水,無過濾,
吾係話養吾到,但係啲魚嘅表現一定吾會好!!!

作者: wmh714 時間: 2010-1-18 22:55

QUOTE:

原帖由 270137 於 2010-1-18 22:24 發表

我相信依個係飼養環境嘅問題,
所謂高級和貴價嘅,多數喺較好嘅環境成長,
適應能力相對下降..........

另外少換水甚至吾換水,無過濾,
吾係話養吾到,但係啲魚嘅表現 ...

咁又唔係啵

我果堆雜種孔雀d色好出呀,不過因為水好綠,都無點影過相,
我好似有post過相呀之前~

作者: Doioi 時間: 2010-1-19 06:39 標題: update一下最新情況

先嚟幾張大特寫(開微距可以好清的, 但佢哋一見我影就狂郁, 迫住用運動模式就朦好多)

(運動)

(微距)

(運動)

(微距, fing頭中

, 連鏡頭都影埋

)

18/1 2230
隻乸己經甩淨頭頂同前半身幾點白點了, 尾1粒, 隻公右胸鰭2粒白點仲未甩, 前半身仲多咗幾粒白點, 跟住第2次換1/3水, 第3次落"3合1"(份量半減), 3次落完藥同一情況都係15-20分鐘之後先係公跟住乸會頹咗沉底

19/1 0500
起身望一望, 隻乸連頭頂粒白點都甩埋, 尾1粒, 後半身1粒, 個身其他地方好似唔多見有白點, 不過咁啱佢痾緊, 好以白色的, 前兩日唔記得喺邊個forum度睇到"最怕白色", 唔知有無問題? (19/1 0733, (<---中段唔知, 瞓咗-->),  1245 update: 又痾白的了)
隻公右胸鰭都係有2粒白點, 個身又好似無乜白點了
2公婆哩咗喺溫度計上面水面, 篤吓玻璃先會游出嚟, 動作慢少少, 但多數上水面游, 唔夠氧嗎? 掛濾開到最盡了, 但未換過棉, 都黃晒了, 馬蹄糕色

補充一點, 呢幾日都係夜晚開燈, ~(2130-2230)至0555, 因朝早唔喺屋企

再另外, 其實落藥前使唔拎走D草? 而家D草好似有D異樣

棵鹿角鐵皇冠好似睇落唔太綠, 又勁多啡色, 定係佢本身係咁樣? 中間仲有一塊葉生咗D一粒粒綠色物體.....

(黃金"分割"嗎?

)

棵印度蕉有塊葉生得好高, 差唔多2倍主體高度, 差半寸上水面, 但就綠中帶啡....
(19/1 1245 update: 葉尖掂到水面

)

藻球黐咗少少黃粉, 全身有D地方好似有少少"剃咗頭"咁

又再另外, 樓上有師兄話唔建議落藥, 不太明白

[ 本帖最後由 Doioi 於 2010-1-19 12:13 編輯 ]

作者: 蝦母太狼 時間: 2010-1-19 12:10

我個人覺得除左蝦唔用藥之外,
其他都不大問題

作者: 出走@ 時間: 2010-1-19 18:39

睇黎你對魚都唔平,
用藥是必要性

作者: 270137 時間: 2010-1-19 19:13

QUOTE:

原帖由 Doioi 於 2010-1-19 06:39 發表
先嚟幾張大特寫(開微距可以好清的, 但佢哋一見我影就狂郁, 迫住用運動模式就朦好多)

(運動)

http://img403.imageshack.us/img403 ...

唔用藥唔係因為心日怕啲魚受品唔住藥力,
個人亦唔懷疑藥嘅療效......

唔建議用藥係因為會影響子代,
令畸胎機會增加!!!!

作者: wmh714 時間: 2010-1-19 19:21

如果計繁殖問題,或者我會先考慮魚隻本身既健康,
成魚病死就無後,但後代有k型既機會係後話,
養魚有時唔係要繁殖,觀賞同成功感比繁殖更來得好~

作者: Doioi 時間: 2010-1-20 02:30

新擺位登場

預留咗空間諗住擺 "嗰棵草 (唔知叫乜名

)" 喺暖管隔離, 咁大棵順手遮晒佢

藻球俾沙"own"咗下面少少

水妖沉唔到, 用沙"own"佢埋一邊, 不過呢個擺位似乎唔好, 出泡位喺掛濾索水管隔離, 要校到個泵好弱掛濾先唔會索到水妖氣泡, 如果一索掛濾就會好嘈, 我諗支粗管如果長多一寸就啱啱好擋住掛濾索水管, 但唔知咁樣有無影響

無奈撇開技術層面而言, 我覺得呢個配搭最好睇

2公婆仲係浮面

得隻公肯食嘢, 但咬唔中飄走咗去掛濾出水位度, 之後失蹤, 無再落糧, 不過佢錫到粒糧嗰陣好興奮

隻乸今日屙咗至少5次白+透明., 長達2cm...可能前一兩日都有, 不過大部分時間唔喺屋企見唔到, 無見過隻公屙

隻乸最後2粒白點(尾, 尾前左身)消褪速度比想像中慢, 20小時無進展

[ 本帖最後由 Doioi 於 2010-1-20 02:40 編輯 ]

作者: wmh714 時間: 2010-1-20 10:27

白點唔係一時一刻就搞得掂,慢慢黎啦

個景都唔錯呀,繼續努力呀!!

作者: prince_cock_kb 時間: 2010-1-20 13:19

昨日聽你講的情況好轉多了
咀角不其然都微微彎起
今天的情況好多了沒有?

作者: Doioi 時間: 2010-1-20 23:16 標題: 生命真脆弱 (編輯中)

今朝出門口前(0555)仲好地地的, 不過隻乸由0300屙到0555屙到超長了......

2230返嚟......已經

隻乸卡住喺皇冠底隔離貼缸邊, 俾我感覺同人手放落去差唔多

隻公.....

生硬浮喺暖管隔離, 頭向上, 尾縮埋, 唔郁時好似死咗, 但撩佢仲有反應, 會不停咁震.....再撩佢出嚟會發狂亂游, 之後哩返埋去, 總之成個身好生硬

警告:以下照片可能會引起不安, 捲下前請三思, 如有引起任何不便, 本人深表歉意

警告:以下照片可能會引起不安, 捲下前請三思, 如有引起任何不便, 本人深表歉意

警告:以下照片可能會引起不安, 捲下前請三思, 如有引起任何不便, 本人深表歉意

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下

捲下 (5)

捲下 (4)

捲下 (3)

捲下 (2)

捲下 (1)

屍身生硬的捲縮

背部有明顯傷痕, 不知是擦損還是內傷爆出來, 照片很難看清, 僅供參巧

身體其他地方已沒有白點, 今早0555尾白點已褪(0300還在...)

腹部很空虛, 按下會凹陷, 不按會彈起

不過計落計落, 如果是13/1挑魚日出的(前1,2日都唔餵?), 14/1買入即白點病, 16/1先買藥, 落藥3日, 19/1落糧都唔肯食(16/1會食鹽同黃粉), 都應該有成個禮拜無食嘢了, 隻乸一買返嚟未落缸已經有得屙, 不過嗰時唔係白色, 之後日日都有屙咁滯, 禽日超誇張, 可能成日留意住佢, 起碼屙咗6,7次, 開始白/透明混集到全白, 2cm-4cm不等, 唔知關唔關事....隻公咁耐都未見過佢屙

我不會放棄的!!!

目標仍然是黃化紅蕾絲(可以齋補乸嗎?)+天空藍白子, 努力耕耘, 靜待時機成熟........

[ 本帖最後由 Doioi 於 2010-1-21 00:22 編輯 ]

作者: wmh714 時間: 2010-1-20 23:55

噢.........有時d魚真係好奇怪,
明明朝早無事,下午或夜晚就唔知咩事

作者: Doioi 時間: 2010-1-20 23:59

QUOTE:

原帖由 wmh714 於 2010-1-20 23:55 發表
噢.........有時d魚真係好奇怪,
明明朝早無事,下午或夜晚就唔知咩事

有無咩可以即刻做到, 隻公好似唔捱得幾耐......

我又就瞓, 聽朝又係0555出門口......

作者: wmh714 時間: 2010-1-21 00:03

你試下換少少水加少少鹽咁

作者: prince_cock_kb 時間: 2010-1-21 01:25

明明已經好轉多了
為何又會如此

作者: Doioi 時間: 2010-1-21 22:08 標題: 更新

隻公仲在生

一行埋去又打直哩埋了

預備動工去....

作者: prince_cock_kb 時間: 2010-1-22 02:05

QUOTE:

原帖由 Doioi 於 2010-1-21 22:08 發表
隻公仲在生

一行埋去又打直哩埋了

預備動工去....

工程進度如何?

作者: Doioi 時間: 2010-1-22 11:04 標題: 再一次辛苦也是值得的

QUOTE:

原帖由 prince_cock_kb 於 2010-1-22 02:05 發表

工程進度如何?

無諗過今次都可以攪咁耐, 攪攪吓仲瞓著咗tim, 最後雖然都攪掂咗, 但都係美中不足....

禽晚(21/1)

一返到去即刻著燈關暖管, 黃化紅蕾絲先生強忍著喪偶之痛, 繼續生還, 直不甩的呆喺暖管隔離, 對愛情溫暖滋潤等到頸都長的渴求盡在不言中, 放心吧, 你很快便會覓到第二春了.....

15分鐘後, 整個星期未嘗果腹的黃化紅蕾絲先生把小量利口樂照單全收

再15分鐘, 繼續收貨.....

又再15分鐘, 暫時委屈黃化紅蕾絲先生了, 進駐了漱口杯(當然唔係每日用開嗰隻la

)

抽水("筆"水先啱

)工程.....

之後同黑鋼沙玩遊戲, 全新膠手套洗到穿埋......
(洗出嚟的水好清, 只有小量幼黑色粒子同閃粒子(數量比上次"洗完"少咗好多), 唔知咁樣算唔算乾淨, 但就個人觀察所得, 我只可以講洗完淨低的一堆固體應該就只有黑鋼沙而無其他雜質了, 黑鋼沙本身閃閃哋, 個人覺得黑鋼沙一堆埋好似洗米咁洗就會因為沙粒之間互相猛烈磨擦產生幼黑色粒子同閃粒子出嚟而且洗極都仲有, 如果連呢D都要隔走埋, 我諗可能我一直都用錯咗方法去洗, 請賜教 Orz....)

洗晒所有其他嘢.......已經1230, 睇嚟有要通頂的危機.....

問題出現......點先可以將掛濾條喉插入去棵樹幹到呢.......第一時間諗有無軟膠喉可以將掛濾直喉的2截駁埋, 可惜之前又無諗到咁樣擺法, 唔知總店有無, 但咁夜又攰到死唔想再出街.....

終於諗到la....唔知效果好唔好, 只係想嗱嗱聲攪掂佢瞓覺......

(22/1 晚補影)

重新佈局傷透腦筋....偏偏仲要喺呢個時候攪......

愛死鴻福堂了

, 哈哈

(遲下再攪吓D喉, 將個樽擺貼缸後)

攪掂!!! 有D驚第時D魚發神經時會撩起(我絕對相信佢哋的力量)棵皇冠引致"山泥傾瀉", 唔理得咁多了, 水妖得返個頭, 哈哈

(22/1 晚補影)

(22/1 晚補影)

略嫌其他地方(尤其前方)的沙層太薄(6-8mm), 唔知咁樣有無問題?

0230........

加水(唔知點解加完有少少濁, 唔敢即刻放返黃化紅蕾絲先生入去), 開暖管(26度), 燈, 掛濾, 水妖, 活性碳(一放入去有氣泡滲出), 時間關係, "對水"開始, 連袋放咗包魚入水

呢個時候, 竟然......

.....

.....

.....

.....

.....

.....

.....

.....

.....

.....

.....

.....

.....

.....

.....

.....

.....

.....

.....

.....

瞓著咗!!!

鬧鐘一響, 大劑!!!

時間只係夠入2次水落袋, 缸水清返, 即刻放返黃化紅蕾絲先生入缸(我feel到缸水暖過漱口杯D水), 缸水入袋1次, 15分鐘再嚟, 再10分鐘(迫不得已)天空藍白子伉儷入伙.....

9秒9跑去搭車......

==========================================

1900......

果然, 對水做得唔好係有後遺症的.......(睇落應該有)

黃化紅蕾絲先生同天空藍白子夫人游緊, 天空藍白子先生沉底, 一行埋去, 各就位~~

黃化紅蕾絲先生垂直哩喺暖管隔離, 無之前咁垂直

天空藍白子夫人黐埋天空藍白子先生沉底, 好驚

拍拍缸邊, 黃化紅蕾絲先生, 天空藍白子夫人出返嚟缸中游位置游, 一驚就沉底, 唯獨天空藍白子先生間中喺中游穿插幾吓再沉底唔郁, 同前幾日用完藥後黃化紅蕾絲先生一樣咁頹.....狀態似乎唔多好

不過總算3位業主都無白點......

試餵, 但隻手離缸面幾寸, 黃化紅蕾絲先生, 天空藍白子夫人就好驚, 沉咗底.....

利口樂, 首先吸引天空藍白子夫人浮面, 佢好"刷"得, 再嚟多2,3round照單全收, 但都係先驚到沉底後上嚟食, 黃化紅蕾絲先生後來都問口了, 都係照單全收, 不過睇落有少少覺得天空藍白子夫人"凶"黃化紅蕾絲先生(一面對面就閃, 淆晒底), 爭食....

隔咗幾分鐘, 餵紅色嗰包主糧幾柆幾次, 天空藍白子夫人照單全收, 食咗十幾粒了(可能重手咗, 其實諗住分D俾黃化紅蕾絲先生, 點知佢食唔到, 之後俾天空藍白子夫人食晒, 但睇住佢肯食幾好feel), 黃化紅蕾絲先生浮面試食同之前一樣, 掂吓就走.....

全程天空藍白子先生都沉底, 拍缸邊都唔願郁

而家情況係,

3位業主一驚就黐埋活性碳附近........

黃化紅蕾絲先生有時會喺呢個位置(樹窿, 屋前, 藻球頂中心位後半條魚身左右, 睇下面張相)發狂向前游, 唔知係咪屋頂向出水流大得滯(而家水位低咗, 掛濾出水口同水面距離大咗唔知會唔會整大咗水流, 掛濾校一半左右, 但都好似好勁, 唔太記得總店"嗰個缸"水流幾大了), 但照計樹窿應該有吸力至係

佢有時會喺浮喺同一位置上面水面, 如果唔理佢, 十幾鐘先轉1次位置

天空藍白子夫人有時沉底喺天空藍白子先生隔離撩佢, 有時徘徊中游位置, 唔知真係肚餓定係點, 佢有時會左啄又啄, 一見到有沉咗底的主糧就清埋佢, 食量真係驚人, 每次餵都俾佢搶咗6-8成份量

餵完之後無幾耐天空藍白子夫人突然一呆沉底唔郁

, 條尾硬咗微彎向上, 之後都試過幾次, 但再之後無再嚟料

天空藍白子先生長時間沉底, 個身伸唔直的, 少少彎, 有少少側躺, 有時會比天空藍白子夫人帶起, 游起少少(半寸), 用鉗撩佢(好溫柔la, 無身體接觸的), 佢似乎好鍾意哩正喺活性碳下面, 出咗嚟少少(真係好少, 一條魚身咁長都無)就返埋去, 攪佢唔掂

23/1 0915 update: 天空藍白子先生一時興起, 竟然游咗上水面, 把握時機, 睇吓佢肯唔肯食嘢, 肯食利口樂, 再嚟主糧, 開頭又咬唔中, 不過之後都食咗, 之後無再哩埋了, 好活躍

1600 update: 又哩埋嗰個位了

餵食方面, 有少少問題:

兩位先生好似好難先擺到主糧入口, 唔知係咪口太細

黃化紅蕾絲先生似乎對主糧無興趣, 由頭到尾無食過

當大家都瞄住同一粒糧, 會有少少衝突, 其中兩位先生試過1次互相追打幾下, 先生夫人之間都會

另外:

兩位先生面對面時有少少火藥味, 不過未見過佢哋開拖(希望唔好la

)

兩位先生都有D收尾(我指唔夠三角形), 黃化紅蕾絲先生上半部收得勁D, 天空藍白子先生條尾好收啊(展開角度仲少過佢夫人), 本身係咪咁的

"天空藍白子"先生同霓虹藍尾白子先生咁似樣的, 係咪一樣的?

(轉貼自影~ <轉貼>孔雀新手圖鑑
http://uwantsaqua.freebbs.tw/viewthread.php?tid=3305&extra=page%3D1)

買之前無發現天空藍藍尾禮服白子緞帶, 原來緞帶好特別啊.....囧

(轉貼自影~ <轉貼>孔雀新手圖鑑
http://uwantsaqua.freebbs.tw/viewthread.php?tid=3305&extra=page%3D1)

第3對, 考慮緊深色魚身同埋有本身2對無的特徵(要睇吓係咩先)的孔雀, 例如莫斯科紫緞帶 (掃咗一輪網都唔多見佢D相, 白子版就多), 唔知仲有無咩其他提議?

(轉貼自影~ <轉貼>孔雀新手圖鑑
http://uwantsaqua.freebbs.tw/viewthread.php?tid=3305&extra=page%3D1)

缸水每日水位都會下跌低5-10mm左右, 使唔使keep住加返?

[ 本帖最後由 Doioi 於 2010-1-23 16:26 編輯 ]

作者: Doioi 時間: 2010-1-24 19:40 標題: 24/1 update

禽晚將酒桶加工, 開咗一邊口, 攝咗半支暖管入去, 留咗0.5-1mm虛位, 唔會谷爆暖管呱? 另外酒桶"責"住咗水妖, 桶身遮咗出氣口
酒桶開口位用水沖咗好耐, 但唔知擺落水擺得耐會唔會釋放有毒物質........

整體格局無乜點變, 棵皇冠堆高咗少少, 似返棵灌木, 之前好hea的側埋一邊, 但一整完就引咗天空藍白子夫人埋去左穿右插, 好彩佢好溫柔......

另外溫度計移近咗掛濾出水位, 導一導水, 弱化咗掛濾底水面水流, 同埋靜音, 觀察所得, 掛濾吸水改用自製3條開窿軟喉, 好似強化咗掛濾出水水流, 但呢3條喉喉身而家濁咗, 同水妖嗰條有明顯分別, 唔通缸水仲係太邋遢? 另外擺咗活性碳3日掛濾綿已經灰咗了, 10日內第3次更換 (算換得太疏定係太密?)

又另外, 諗住將台灣水韭分成2份, 各擺喺屋仔左右, 嗰棵(唔記得咗乜名)就纏住棵樹幹, 佈景工程, 大功告成

由左至右, 樹幹, 屋仔, 酒桶啡色由深至淺

天空藍白子夫婦似乎開始適應到, 禽日已經食到2餐, 頭先又食咗一餐, 今日唔會成日哩埋, 多咗出嚟周圍游, 但佢哋好似唔係幾鍾意黃化紅蕾絲先生, 有時游近佢就會凶佢, 攪到佢好驚即刻避, 長期浮面, 頹咗喺同一位置慢慢向前撥胸鰭, 好似玩緊跑步機咁, 又唔肯食嘢....

唔知係咪赤蟲太好味, 今日天空藍白子夫婦完全唔理利口糧, 片糧都只係食一半左右, 有時會吐返出嚟, 蟲就清晒, 最近3餐都餵齊3種糧的

禽日黃化紅蕾絲先生都肯食嘢的, 3種糧都肯食, 不過一定唔夠飽, 仲係好瘦, 今日絕食

......

好擔心黃化紅蕾絲先生呢....唔知加返黃化紅蕾絲夫人有無幫助呢? 就咁睇天空藍白子夫婦有時黐到實一實顯得黃化紅蕾絲先生好寂寞呢.......可唔可以先加返黃化紅蕾絲夫人落去再後加嗰2棵草呢?

[ 本帖最後由 Doioi 於 2010-1-24 20:04 編輯 ]

作者: prince_cock_kb 時間: 2010-1-24 20:04

黃化紅雷絲好似唔多掂~!!!!

作者: Doioi 時間: 2010-1-24 20:06

QUOTE:

原帖由 prince_cock_kb 於 2010-1-24 20:04 發表
黃化紅雷絲好似唔多掂~!!!!

漏咗補充, 禽日黃化紅雷絲浮面嗰陣一feel到我移近缸面會好敏捷哩入缸底的, 今晚佢反而淨係呆喺水面

咁點算好? 唔想嚟多劑呀.....

[ 本帖最後由 Doioi 於 2010-1-24 20:12 編輯 ]

作者: prince_cock_kb 時間: 2010-1-24 20:12

QUOTE:

原帖由 Doioi 於 2010-1-24 20:06 發表

咁點算好? 唔想嚟多劑呀.....

建議最好先分開.....
唔好比佢惹到天空藍.現在見佢的狀態真不錯

作者: Doioi 時間: 2010-1-24 20:22

QUOTE:

原帖由 prince_cock_kb 於 2010-1-24 20:12 發表

建議最好先分開.....
唔好比佢惹到天空藍.現在見佢的狀態真不錯

但我現時淨係得一個"設備齊全"的缸, 分開佢哋顧此失彼, 都唔知點安置黃化紅蕾絲先生.....

作者: prince_cock_kb 時間: 2010-1-24 20:25

QUOTE:

原帖由 Doioi 於 2010-1-24 20:22 發表

但我現時淨係得一個"設備齊全"的缸, 分開佢哋顧此失彼, 都唔知點安置黃化紅蕾絲先生.....

umm....
我只怕因少失大

作者: Doioi 時間: 2010-1-24 20:28

QUOTE:

原帖由 prince_cock_kb 於 2010-1-24 20:25 發表

umm....
我只怕因少失大

即係可能黃化紅蕾絲先生有暗病未發出嚟, 天空藍白子夫婦隨時乃埋嘢?

咁淨係"筆"走黃化紅蕾絲先生落漱口杯度由得佢自生自滅?

講真如果真係救唔返我都有心理準備重新開過對黃化紅蕾絲夫婦, 不過最好唔好la

[ 本帖最後由 Doioi 於 2010-1-24 20:30 編輯 ]

作者: prince_cock_kb 時間: 2010-1-24 20:32

QUOTE:

原帖由 Doioi 於 2010-1-24 20:28 發表

即係可能黃化紅蕾絲先生有暗病未發出嚟, 天空藍白子夫婦隨時乃埋嘢?

咁淨係"筆"走黃化紅蕾絲先生落漱口杯度由得佢自生自滅?

講真如果真係救唔返我都有心理準備重新開過對黃 ...

先將佢筆開

作者: Doioi 時間: 2010-1-24 20:47

QUOTE:

原帖由 prince_cock_kb 於 2010-1-24 20:32 發表

先將佢筆開

筆開咗, 大約筆走咗1/10水裝住佢, 擺咗喺枱燈(光管)下面, 光源離水面打斜45度1尺左右

其實今次會唔會加魚加得太快?

[ 本帖最後由 Doioi 於 2010-1-24 20:50 編輯 ]

作者: prince_cock_kb 時間: 2010-1-24 21:36

QUOTE:

原帖由 Doioi 於 2010-1-24 20:47 發表

筆開咗, 大約筆走咗1/10水裝住佢, 擺咗喺枱燈(光管)下面, 光源離水面打斜45度1尺左右

其實今次會唔會加魚加得太快?

我覺得唔會,
現在如何?

作者: Doioi 時間: 2010-1-24 22:17

QUOTE:

原帖由 prince_cock_kb 於 2010-1-24 21:36 發表

我覺得唔會,
現在如何?

而家喺漱口杯度都係浮面, 而天空藍白子夫婦依然活躍

陣間我大約12點瞓, 聽日又係0555出去, 要2230先返到嚟, 唔知有無D咩可以做到?

作者: 270137 時間: 2010-1-24 22:39

兩條公魚狀態都好差,夾尾...............

作者: Doioi 時間: 2010-1-24 22:57

QUOTE:

原帖由 270137 於 2010-1-24 22:39 發表
兩條公魚狀態都好差,夾尾...............

天空藍白子先生狀態改善咗, 第一日攤咗喺缸底唔係點郁, 而家會游出嚟, 肯食嘢, 雖然條尾就仲未開返

黃化紅蕾絲先生就越嚟越差, 加魚嗰日仲識游, 肯食嘢, 到今晚淨係浮面唔肯食嘢, 無受騷擾就唔會移位

不過就唔知點解天空藍白子先生食完嘢之後會沉底發幾次呆(1分鐘內)

[ 本帖最後由 Doioi 於 2010-1-24 23:14 編輯 ]

作者: Doioi 時間: 2010-1-25 14:53

禽晚落齊3種糧落漱口杯度，5個鐘之後今朝睇佢無食過，仲係浮面，郁隻杯佢有反應的。
今晚返？睇下佢點先……
家陣佢好似？度等死咁……

作者: prince_cock_kb 時間: 2010-1-25 18:10

希望佢冇事啦..
可做的都做曬喇

作者: 270137 時間: 2010-1-25 20:04

QUOTE:

原帖由 Doioi 於 2010-1-24 22:57 發表

天空藍白子先生狀態改善咗, 第一日攤咗喺缸底唔係點郁, 而家會游出嚟, 肯食嘢, 雖然條尾就仲未開返

黃化紅蕾絲先生就越嚟越差, 加魚嗰日仲識游, 肯食Ü ...

就算唔啱聽我都係咁講...........
嗰條黄雷,我一定會放棄,
令外對白子,我覺得你個缸出問題後太快入魚,
但以成定局,
依家可以做嘅,
係加鹽水,
令魚嘅滲透壓曾加,
從而儘快適應新缸!!

作者: Doioi 時間: 2010-1-25 23:55 標題: 25/1 update

睇嚟好快要同黃化紅蕾絲先生講拜拜.......可憐的夫婦做了開缸的犧牲品.........

佢無食過禽晚放落去的3種糧, 越嚟越無力了, 沉底, 仲要傾側......

轉咗大約1/15缸水俾佢, 擺咗成日杯水實在太凍了, 可能咁樣會有反效果? 都唔知點......不過等同日日同個缸換水, 好似唔係幾好

其實想問, 黃化紅蕾絲夫人未走之前佢先生都無咁頹, 就算用幾日藥都唔係點收尾, 但夫人好返半日之後嗰晚一走佢就開始頹到而家, 情況仲越嚟越差, 天空藍白子夫婦同佢同缸2日暫時又未有咩問題, 唔知關唔關情緒問題事? 可能我諗多咗了......

定係一開始佢本身無病(的確佢個身無白點, 係得右胸鰭2點, 一直keep到而家, 可能本身就係咁呱), 夾硬用藥攪到佢慢性中毒?

至於個缸, 禽晚開始調校返正常開關燈時間, 每日返到屋企先開燈, 夜晚瞓覺時關燈, 夜晚俾返D適當環境佢哋瞓覺, 但咁樣每日最多開到4-6鐘頭燈, 逢星期1,3最多開到2個鐘頭, 加埋朝早晏晝室內好弱的日光, 唔知有無D有時間掣的缸燈啱使?

一返到嚟天空藍白子夫婦係沉底的, 唔知係由禽晚開始長期無開燈到頭先攪到頹咗/瞓咗定係點, 開燈餵嘢食, 利口糧-->片糧-->赤蟲, 放利口糧2分鐘左右, 夫人感覺到水面有嘢食, 上水面兜咗一圈, 再落返去撩仲係沉緊底的先生, 夫婦一齊上去, 但佢哋對利口糧無即時興趣, 游過唔食, 繼續游, 再等多5分鐘終於開口食, 不過都食咗5分鐘先清到8成, 可能佢哋真係對赤蟲情有獨鍾, 所以一劑利口糧份量到此為止, 到片糧了, 1落即刻肯食, 不過從佢哋反應睇得出佢哋對片糧愛好程度比見到赤蟲差, 但都想佢哋咩都食吓, 1分鐘左右清晒, 整多2劑, 到赤蟲出場, 呢個最後先餵費事佢哋每餐一開始食咗呢個之後就唔肯食其他, 2劑, 超極速清晒, 有少少"喪吞" feel, 先生開始肚脹了, 但夫人仲未, 不過唔餵了, 之前餵咗幾次都淨係得先生食到肚脹, 夫人似乎仲有大把quota, 唔知點先可以分配得好D....

睇返先生, 仲係收尾, 之前無留意佢背鰭, 今日睇到佢背鰭豎起咗, 無垂落嚟, 其他無乜變化, 夫人都係無乜變化, 夫婦開完餐就周圍游無停過

[ 本帖最後由 Doioi 於 2010-1-26 00:15 編輯 ]

作者: 876433 時間: 2010-1-26 02:04

QUOTE:

原帖由 Doioi 於 2010-1-25 23:55 發表
睇癧好快要同黃化紅蕾絲先生講拜拜.......可憐的夫婦做了開缸的犧牲品.........
佢無食過禽晚放落去的3種糧, 越癧越無力了, 沉底, 仲要傾側......
轉�W大約1/15缸水俾佢, 擺�W成日杯水實在太凍了, 可能咁樣會有反效果? 都唔知點......不過等同日日同個缸換水, 好似唔係幾好
其實想問, 黃化紅蕾絲夫人未走之前佢先生都無咁頹, 就算用幾日藥都唔係點收尾, 但夫人好返半日之後瓱晚一走佢就開始頹到而家, 情況仲越癧越差, 天空藍白子夫婦同佢同缸2日暫時又未有咩問題, 唔知關唔關情緒問題事? 可能我諗多�W了......
我唔敢肯定,不過我之前有兩對都有相同情況
定係一開始佢本身無病(的確佢個身無白點, 係得右胸鰭2點, 一直keep到而家, 可能本身就係咁呱), 夾硬用藥攪到佢慢性中毒?
我將你的文章由頭睇到尾,我覺得唔用藥之下,死得會更快
至於個缸, 禽晚開始調校返正常開關燈時間, 每日返到屋企先開燈, 夜晚𤍣覺時關燈, 夜晚俾返D適當環境佢𤀺𤍣覺, 但咁樣每日最多開到4-6鐘頭燈, 逢星期1,3最多開到2個鐘頭, 加埋朝早晏晝室內好弱的日光, 唔知有無D有時間掣的缸燈狢使?
我記得ua既店中好似有幾款揀,相信可以解決到你既問題
一返到癧天空藍白子夫婦係沉底的, 唔知係由禽晚開始長期無開燈到頭先攪到頹�W/𤍣�W定係點, 開燈餵𤪻食, 利口糧-->片糧-->赤蟲, 放利口糧2分鐘左右, 夫人感覺到水面有𤪻食, 上水面兜�W一圈, 再落返去撩仲係沉緊底的先生, 夫婦一齊上去, 但佢𤀺對利口糧無即時興趣, 游過唔食, 繼續游, 再等多5分鐘終於開口食, 不過都食�W5分鐘先清到8成, 可能佢𤀺真係對赤蟲情有獨鍾, 所以一劑利口糧份量到此為止, 到片糧了, 1落即刻肯食, 不過從佢𤀺反應睇得出佢𤀺對片糧愛好程度比見到赤蟲差, 但都想佢𤀺咩都食𠗐, 1分鐘左右清晒, 整多2劑, 到赤蟲出場, 呢個最後先餵費事佢𤀺每餐一開始食�W呢個之後就唔肯食其他, 2劑, 超極速清晒, 有少少"喪吞" feel, 先生開始肚脹了, 但夫人仲未, 不過唔餵了, 之前餵�W幾次都淨係得先生食到肚脹, 夫人似乎仲有大把quota, 唔知點先可以分配得好D....
睇返先生, 仲係收尾, 之前無留意佢背鰭, 今日睇到佢背鰭豎起�W, 無垂落癧, 其他無乜變化, 夫人都係無乜變化, 夫婦開完餐就周圍游無停過
聽你咁講狀態好似已經月黎月好,奸爸dad

作者: Doioi 時間: 2010-1-26 12:22 標題: 26/1 update 1

永別了……黃化紅蕾絲先生……

作者: 876433 時間: 2010-1-26 14:13

目標係應先養好現在的天空藍

作者: wmh714 時間: 2010-1-27 00:05

努力吧,從中吸收一下經驗
失敗乃成功之母!!

作者: Doioi 時間: 2010-1-28 23:59 標題: 終極大執位

新擺位上陣, 魚缸正式命名為 <洞心庭園>

(我覺得超難砌心形藻球, 呢個idea係一開始執缸嗰陣同個缸名一齊閃過)

天空藍白子夫婦生活照:

今日好攰, 所以今次update以重點形式發佈:

1. 缸水pH 7.5-8.0

2. 活性碳功成身退

3. 台灣水韭浸咗2日, 一拎起竟然已經甩咗一半有多, 再修剪過長同就斷的韭支, 棵嘢變咗........

4. 以自製掛濾吸水喉的透明軟膠喉極速變黃, 一個星期D色拍得住天空藍白子夫人個身......

5. 天空藍白子夫婦表現活躍, 肯食嘢, 食緊嘢嗰時唔怕我隻手離水面1寸放糧(開頭勁驚兼沉底)

6. 落缸初期, 天空藍白子先生一反常態好鍾意哩入去酒桶入面郁(直身橫身動作都有做)唔出嚟(唔知貪玩定被困), 出完嚟又哩入去, 如是者10分鐘內幾次, 最後1次我撩佢出嚟之後餵嘢食, 食完無再哩返入去, 唔知咁樣係唔係病徵

7. 天空藍白子先生條尾, 一日比一日開, 但最尾端硬係唔開, 成條尾變咗橢圓形, 頭幾日留意, 最尾端有少少鋸齒邊緣(細小而平均), 顏色正常, 但今日執缸前捉佢落杯發現有D唔尋常, 因為隻杯實色, 裡面D嘢暗D, 就見到最尾端有啡邊, 而且鋸齒邊大咗兼有D大小唔平均,
開頭本身佢條尾係閃閃哋帶粉藍同粉紅的, 而尾端無話特別深色的, 執完缸放返佢哋落缸(執咗幾粒鐘, 保險計, 對咗次水), 發覺尾端的確比之前啡啡哋紅紅哋, 開咗光管同喺缸度就無喺杯度咁明顯, 但肯定同頭幾日有分別...........唔知咁樣算唔算燒尾, 如果係, 點算好?

我仲諗住喺新年之前加多對魚ga......

[ 本帖最後由 Doioi 於 2010-1-29 00:30 編輯 ]

作者: wmh714 時間: 2010-1-29 10:33

你睇睇魚尾,如果魚尾既邊緣位置起白就係燒尾嫁啦,但係用黑鋼沙,正常ph都唔會低於7..
個缸既擺位又正左

不過右前方既位置「笠」左入去,我覺得整返平會好睇d~

作者: Doioi 時間: 2010-1-29 14:38 標題: 29/1 update 1 池魚遭殃, 漁人亦殃

QUOTE:

原帖由 wmh714 於 2010-1-29 10:33 發表
你睇睇魚尾,如果魚尾既邊緣位置起白就係燒尾嫁啦,但係用黑鋼沙,正常ph都唔會低於7..
個缸既擺位又正左

不過右前方既位置「笠」左入去,我覺得整返平會好睇d~

條尾係微紅褐邊的

個缸睇落空間感大咗, 亦都可能因為攞走咗包碳(不過之後又要再擺過

), 因為唔夠沙, 所以前凹咗落去嗰度得1-1.5粒沙咁薄

======================================

真係屋漏兼逢連夜雨.......

今朝連我都病埋......

攞你命的胃痛..........

死頂的返工, 結果頂唔順未開工就返歸.......

睇醫生前起勢的劏咗一穫........

囧.........

天空藍白子先生非救不可.......唔想又多一對魚的生命斷送喺我手上

先生狀態仲ok的, 但已經同平時唔同, 多咗哩入去酒桶度或酒桶上游, 唔知係因為嗰度有暖管D水最暖定係水妖的水流可以減低佢的不適, 仍然只有尾鰭中招, 尾端呈微紅褐色的, 1.5天已爛了總共1/20了, 背鰭豎起的

夫人未被波及, 但唔知佢係抵抗力好(個人覺得佢好就快適應到新缸), 定個爛尾病有無潛伏期呢樣嘢....

我諗咗個唔分缸的隔離方法唔知可唔可行, 用約1/8個缸大小的生仔兜之類的物體隔開先生, 再用透明膠袋套住, 用藥就唔會波及夫人, 夫婦又可以見到面, 又唔會整污遭成缸水, 又可以慳返支暖管, 多一個掛濾就攪掂 (養魚經驗尚淺, 呢個idea只係諮詢性質, 絕無走偏門之意, 還望高手們賜教)

用藥前先餵1次.......夫婦都肯食嘢

另外, 夫婦每日的便係暗紅褐色的

[ 本帖最後由 Doioi 於 2010-1-29 23:51 編輯 ]

作者: Doioi 時間: 2010-1-30 00:53 標題: 30/1 update 1 隔離

隔離樽應該大約有300-400ml水

(本來夾喺左邊角落, 但夫人成日鑽入去條罅度, 驚佢有機會夾死)

(細心留意, 魚身最尾連接魚尾前端部分, 有條弧形紅邊加一條3mm紅線喺弧形中間, 好似個大楷E字咁樣, 之前一直無留意呢度, 唔知而家咁樣有無問題)

(另一邊魚身最尾都有同樣情況)

(咁啱影嗰時上咗面, 呢邊身最清呢張, 大部分時間都無浮面)

胃痛中..........Orz...........

================================================
0546 update

瞓前唔記得熄枱燈(缸燈熄咗), 先生仲係生猛, 不過夫人喺缸前樽邊浮面(我哄個頭埋去佢會沉返的, 但游一輪又浮過), 無表面傷痕, 擔心.....唔通又顧此失彼?

[ 本帖最後由 Doioi 於 2010-1-30 05:47 編輯 ]

作者: 蝦母太狼 時間: 2010-1-30 05:47

近期天氣唔好,都係麻煩

作者: 270137 時間: 2010-1-30 08:16

QUOTE:

原帖由 Doioi 於 2010-1-30 00:53 發表
隔離樽應該大約有300-400ml水

(本來夾喺左邊角落, 但夫人成日鑽入去條罅度, 驚佢有機會夾死)

http://img230.imageshack.us/img230/5199 ...

中咗車輪蟲.............

作者: 飛腳 時間: 2010-1-30 12:59

QUOTE:

原帖由 270137 於 2010-1-30 08:16 發表

中咗車輪蟲.............

車輪蟲好似係孔雀魚殺手....

作者: Doioi 時間: 2010-1-30 22:20 標題: 30/1 update 2

先生情況似乎並唔樂觀, 條尾仲係有紅褐邊, 又爛多咗少少, 仲有幾度烈開咗, 反應開始有D問題, 循環發神經游上游落+間中突然沉底急促呼吸.......可能個樽無濾水, 多餘溶唔晒的黃粉沉咗樽底, 有時先生會啄佢.......

另外, 網上有D人話剪咗爛尾部分, 係咪真係有呢個方法? 不過我一定唔會用, 太殘忍了

夫人有時都發神經游上游落.......有時隔住個樽想"衝破防線"咁樣(呢個時候會引埋先生做同一樣嘢)

今日餵咗一餐, 夫婦都肯食, 份量正常, 有時一邊快D食晒, 佢哋會隔住膠樽狂啄見到但掂唔到的食物

[ 本帖最後由 Doioi 於 2010-1-30 22:23 編輯 ]

作者: 270137 時間: 2010-1-30 23:53

QUOTE:

原帖由飛腳於 2010-1-30 12:59 發表

車輪蟲好似係孔雀魚殺手....

的確係幾令人困擾嘅疾病,
不過我覺得未致於去到殺手咁嚴重~~~~

作者: 270137 時間: 2010-1-31 00:02

QUOTE:

原帖由 Doioi 於 2010-1-30 22:20 發表
先生情況似乎並唔樂觀, 條尾仲係有紅褐邊, 又爛多咗少少, 仲有幾度烈開咗, 反應開始有D問題, 循環發神經游上游落+間中突然沉底急促呼吸.......可能個樽無濾水, 多餘溶唔晒的黃粉沉咗樽底, 有 ...

真係有剪尾依個方法,
什至只不過魚尾太大亦會咁做,
不過我就吾會用(因為我無咁嘅技術)

醫治車輪蟲你可以試吓用鹽浴,
每日5-10分鐘,
濃度3-5％
無改善至諗其他方法.

作者: prince_cock_kb 時間: 2010-1-31 05:29

建議先用高鹽度去處理,加少許黃粉,有好多時都可以解決,
剪尾是其中一個方法,但剪得差,好致命

作者: Doioi 時間: 2010-1-31 20:51 標題: 31/1 update

QUOTE:

原帖由 270137 於 2010-1-31 00:02 發表

醫治車輪蟲你可以試吓用鹽浴,
每日5-10分鐘,
濃度3-5％
無改善至諗其他方法.

唔使長期浸幾日浸到佢好嗎? 淨鹽唔使加其他嘢?

QUOTE:

原帖由 prince_cock_kb 於 2010-1-31 05:29 發表
建議先用高鹽度去處理,加少許黃粉,有好多時都可以解決,
剪尾是其中一個方法,但剪得差,好致命

唔係太明.......即係其實使唔使落藥?
另外, 點剪尾先會剪得好?

======================================

第3日落3寶了.....份量無減

禽晚同今朝, 先生頹咗沉底時間越嚟越多, 我真係驚佢挨唔到.......

晏晝返嚟見佢又生猛返

今日先生條尾似乎無再爛落去, 但紅褐邊仲未褪, 仲肯食嘢, 但胃口唔太好, 食量係平時7-8成左右, 勉強都叫食到個肚有少少脹, 我係換水樽水2-3個鐘前餵的

夫人繼續無乜異樣, 亦肯正常食嘢

另外先生係確診感染車輪蟲嗎?

唔知缸底積聚沉底食物會唔會促進車輪蟲滋生? (夫婦食片糧嗰時會整走2-3成落底, 但之後沉底片糧會唔見咗8-9成, 好似俾夫人清理咗)

掛濾條喉外圍開始積嘢, 又越嚟越黃, 會唔會又係細菌溫床? 唔通用軟膠喉要成日換? 2個禮拜都無就攪成咁.........水妖條喉外圍都開始積嘢......

作者: 270137 時間: 2010-1-31 22:26

QUOTE:

原帖由 Doioi 於 2010-1-31 20:51 發表

唔使長期浸幾日浸到佢好嗎? 淨鹽唔使加其他嘢?

唔係太明.......即係其實使唔使落藥?
另外, 點剪尾先會剪得好?

======================================

第3日落3寶了.....份量無 ...

唔洗長期浸!淨係鹽就ok!!

作者: 卡卡西 時間: 2010-2-1 14:29

樓主真的不幸

作者: 飛腳 時間: 2010-2-1 16:01

唔梗要= =我一開始養孔雀都死幾對="=
之後慢慢會有經驗

作者: prince_cock_kb 時間: 2010-2-1 16:06

QUOTE:

原帖由飛腳於 2010-2-1 16:01 發表
唔梗要= =我一開始養孔雀都死幾對="=
之後慢慢會有經驗

我都係咁睇 ,
最緊要係從失敗中吸取到經驗,從而進步

作者: Doioi 時間: 2010-2-1 23:58 標題: 1/2 update

都唔知應唔應該開心好......

好消息係先生條尾紅褐邊褪得7788, 仲淨返少少

壞消息係返嚟嗰時先生係好似之前黃化紅蕾絲先生咁樣浮面的, 但一見到有人埋缸總算有D反應會喺水面游而唔係停留同一位置唔郁, 食慾進一步減低, 見到有嘢食仲有反應的, 但只係食咗少少片糧同赤蟲, 食量係平時30-40%, 對比禽日, 條尾收得好勁

落第4日3寶, 如果聽日褪晒紅褐邊, 先生就會出"浴"了

(留意尾鰭頂中間有個位都爛咗, 禽日無的)

夫人狀態仍然好fit

透明軟膠喉好邋遢啊, 係喉定係水的問題, 定係要定期清潔?

重災區都係掛濾喉, 用原裝硬膠喉無變黃同積嘢到咁惡劣

(21/1, 透明的)

(11日後, 1/2, 米黃的)

[ 本帖最後由 Doioi 於 2010-2-2 00:37 編輯 ]

作者: 270137 時間: 2010-2-2 19:05

啲車輪蟲好得好快喎!!
用咗咩方法醫？

作者: prince_cock_kb 時間: 2010-2-2 20:31

尾巴仲有少少偏紅,建議再多用藥兩天
份量可減半, 再睇多兩天先再放行.
軟喉上的是水圬!有水就會有,可放心

作者: Doioi 時間: 2010-2-3 00:37 標題: 2/2 update 噩耗重臨

失落中........請容許我呻下........

真係唔甘心, 又一次醫唔返......又一次嘥咗幾日功夫, 明明表面好返晒無端端又要死......

明明12:00先生條尾已經好返晒, 但食量已經得返1-2成, 都仲識游, 雖然浮面打圈, 諗住浸到夜晚先放佢返缸, 點知隨後先生情況急轉直下, 到18:00已經頹晒咁浮面唔係點郁, 驚佢浸咗咁耐藥真係頂唔順, 抱住最後希望對水, 將佢放返落缸, 嗰時受驚都仲識得游去第2度, 開頭落缸只係浮面游下游下, 以為無乜嘢, 點知1個鐘頭內, 真係講都唔信, 由浮面到沉底, 全身無力, 掙扎游起1下就會飄飄吓沉落底, 側埋, 呢個時候我發現佢條尾好唔妥, 好唔尋常的薄, 薄得好蒼白透明, 而且比啱落缸嗰時最尾端裂開得好勁多咗好多地方, 俾我感覺係水流大少少都可以順住D紋打散晒佢條尾變成一條條絲, 同禽日相比仲有正常閃粉藍色差好遠好遠, 個身勁瘦, 同禽日張相仲有個肚腩仔差勁遠

如果而家撈起佢我知幾個鐘瞓醒之後就收得屍, 暫時未至於為咗佢就要放棄整個森林咁嚴重(頂多1棵樹), 但聽晚仲要22:30先返到嚟, 睇嚟真係要靠奇蹟先得

勁擔心條乸會步黃化紅蕾絲先生單思病,絕食,死因不明後塵........

如果現任天空藍白子先生真係唔得, 想快D加返1條, 但又怕再, 唔加又.....好矛盾

如果加第3對都再係即刻病死的話, 好大機會唔會再養, 就當我同孔雀魚無緣吧, 又或者屋企根本唔適合養孔雀魚, 總之唔想再害死咁多魚了......總覺得, 唔會無端端一開始養就會死幾對, 之後就唔會, 就算方法係改善咗, 環境, 氣候始終係係改變唔到對吧

綜合第1對, 黃化紅蕾絲, 第2對, 天空藍白子, 暫時有以下結論
1. 黃化紅蕾絲夫人白點病遲咗2日先醫, 無隔離開正常黃化紅蕾絲先生, 唔知有無病都要浸藥之餘, 仲要陪夫人一齊餓足1個禮拜
2. 天空藍白子先生爛尾遲咗1.5日先醫, 可能用藥份量校得唔好, 醫治期間身體狀況越嚟越差, 無留返樽藥浴水, 返缸唔掂都可以試吓即刻放返佢落樽
3. 今日唔知聽日事.......

可以做的都做咗........

呻完.......

[ 本帖最後由 Doioi 於 2010-2-3 00:55 編輯 ]

作者: 飛腳 時間: 2010-2-3 01:37

情況同我岩岩玩魚差唔多="=
主要係要搵出原因,唔會無啦啦死的="=
我玩孔雀個缸淨係的瀘水日本水妖x3 暖管...好簡陋,但魚的健康很好="=

作者: prince_cock_kb 時間: 2010-2-3 02:10

近日開始氣候轉好,
明顯門市的魚魚都較活躍

加油

作者: Doioi 時間: 2010-2-3 02:18

多謝支持啊

希望先生也振作吧

其實都唔知先生仲得唔得的, 雖然係側埋一邊頹(如果無嘢頂住, 會打平瞓低), 但過一陣佢又會好正常咁游返起身幾秒, 轉個位再頹過, 試過夾條蟲去佢個口前面, 佢有D口郁郁想咬, 但又食唔到

而家太瘦了, 黃化紅蕾絲先生生前唔食嘢成個禮拜都無佢幾日之內減少食量喺最後一日即刻變瘦得咁犀利

而家唯一令我欣慰的係天空藍白子夫人, 落咗缸2個禮拜都係咁生猛, 亦都令我享受到養魚的樂趣

, 以前好細個阿媽養錦鋰金魚求求其其都唔會成日死魚, 感受無呢半個月拜咁深刻

[ 本帖最後由 Doioi 於 2010-2-3 02:39 編輯 ]

作者: 飛腳 時間: 2010-2-3 11:52

QUOTE:

原帖由 Doioi 於 2010-2-3 02:18 發表
多謝支持啊

希望先生也振作吧

其實都唔知先生仲得唔得的, 雖然係側埋一邊頹(如果無嘢頂住, 會打平瞓低), 但過一陣佢又會好正常咁游返起身幾秒, 轉個位再頹過, 試過夾條蟲去佢個口前面 ...

我老媽子用左一個10"X10"既缸養4條金魚 1條錦鋰,我之後放左2條新奇又好玩既<8蚊2條既孔雀>,無瀘水,得個水妖,一個月先換一次水,仲要係成缸水換....唔洗養水,D金魚都唔會死- -果兩條孔雀仲好好精神扯曬棋咁...除左D色比較新奇....
我睇...唔好用金魚同孔雀比較.....

作者: wmh714 時間: 2010-2-3 11:58

係細金魚嗎??
其實金魚同孔雀唔岩放埋一齊養,始終都係兩種魚,
金魚仲會去啜人地體表,好易甩鱗~
我都發現雜種孔雀似乎比珍貴d品種既孔雀易養,
我都試過無濾水器,曬住太陽,少換水既缸養住十幾條孔雀,
大左仲係咁交配繁殖~

作者: 飛腳 時間: 2010-2-3 12:07

QUOTE:

原帖由 wmh714 於 2010-2-3 11:58 發表
係細金魚嗎??
其實金魚同孔雀唔岩放埋一齊養,始終都係兩種魚,
金魚仲會去啜人地體表,好易甩鱗~
我都發現雜種孔雀似乎比珍貴d品種既孔雀易養,
我都試過無濾水器,曬住太陽,少換水既缸養住十幾條孔雀,
大左仲 ...

D金魚應該唔係細金魚....每條都成10CM長= =
我係想D雜種孔雀自生自滅="=
點知佢地咁強勁,原全唔驚D金魚,仲同D金魚一齊玩沙= =

作者: Doioi 時間: 2010-2-4 00:18 標題: 4/2 update 1 獨居婦魚

以前好細個屋企養的錦鋰應該有10cm長, 咩種就唔知, 大約30"x25"x20"缸養咗8,9條, 個缸淨係得石春, 濾水, 每個禮拜換水, 養咗幾年, 都無乜死到, 之後搬屋好似俾晒D錦鋰人哋

搬咗屋就養金魚, 應該係好普通的遍地金, 6-8cm長, 又係8,9條左右, 不過缸就細咗好多, 都係得石春, 濾水, 每個禮拜換水, 試過有魚屙春, 不過都係無理佢, 但就死得多咗, 幾年都補加咗10條8條, 最後唔記得咗點解無養落去

=======================================

今朝起身, 意料中事就係夾走天空藍白子先生.........噢, 第3條魚命了.....

補充一點, 禽晚天空藍白子先生背鰭縮埋一條, 尾鰭好乾枯的, 好似無咗魚身本身嗰層脂, 同埋第3日用藥對比第2日, 雖然大部分紅褐邊係褪咗, 但條尾反而係縮埋咗好多, 唔知係咪當時已經染咗第2種病.....今朝夾起佢時因為佢死前迫埋咗自己喺油桶同缸邊之間, 夾唔到佢個身, 夾中佢條尾, 唔使出力一拉, 撕開咗一忽出嚟........

今晚返嚟夫人同平時一樣, 食量正常, 無咩異樣......有待觀察, 先前黃化紅蕾絲夫人走咗, 先生都好正常, 肯食嘢1日之後就死因不明

經此一役, 唔知對加魚計劃又影響咗幾多.....

想新年前盡快加天空藍白子先生同另一對魚

[ 本帖最後由 Doioi 於 2010-2-4 00:30 編輯 ]

作者: prince_cock_kb 時間: 2010-2-4 01:26

QUOTE:

原帖由飛腳於 2010-2-3 12:07 發表

D金魚應該唔係細金魚....每條都成10CM長= =
我係想D雜種孔雀自生自滅="=
點知佢地咁強勁,原全唔驚D金魚,仲同D金魚一齊玩沙= =

我都見識過仍地...真係勁到冇人有

作者: prince_cock_kb 時間: 2010-2-4 01:38

QUOTE:

原帖由 Doioi 於 2010-2-4 00:18 發表
以前好細個屋企養的錦鋰應該有10cm長, 咩種就唔知, 大約30"x25"x20"缸養�W8,9條, 個缸淨係得石春, 濾水, 每個禮拜換水, 養�W幾年, 都無乜死到, 之後搬屋好似俾晒D錦鋰人𤀺

...

再多睇多3~5日先吧
睇一睇囡囡的狀態可唔可以keep到,
之後再作考慮

作者: Doioi 時間: 2010-2-6 00:30 標題: 6/2 update 1 再說一次我愛你

最近3日, 天空藍白子夫人過的都係獨居生活, 但狀態依然大勇, 於是禽晚帶第2任天空藍白子先生返去陪佢

禽日換咗1/3水, 用水沖走掛濾裡面大部分廢物同埋換咗掛濾3條用咗2個禮拜就變黃的喉, 覺得缸水清咗好多, 掛濾流量都顯著回升

最後仲落埋維他命

唔知缸水本身有無問題, 亦都唔知夫人佢究竟係咪天生異稟, 完全適應到自從佢入缸以嚟就死咗2條魚公的水, 定係魚都會有剋夫呢樣嘢

.......一兩個鐘頭前, 未落缸前的天空藍白子先生仲係好ok的, 點知到咗對水過程第2次加水嗰陣.........

又一條魚公沉底.......未落缸就沉底......

呢個時候, 夫人都發緊神經, 之前無提及到, 其實一路以嚟, 當夫人受驚, 例如落缸頭幾日未熟習俾人餵, 一見到我隻手喺缸面隔唔夠8寸都會驚餐死, 又或者我伸把水草鉗落缸底執走枯葉, 就會喺個缸某垂直區域度衝上衝落, 攪到沙塵滾滾, 黃化紅蕾絲先生同第1任天空藍白子先生最多驚到哩喺底度唔郁, 唔通呢個就係孔雀魚公同魚乸反應的分別? 至於夫人每次發幾耐神經係無定的, 過一段時間佢就會回復正常

今次對水已經延長咗個緩衝期, 浸咗1.25個鐘先加第1次水, 等半個鐘加第2次, 再等45分鐘鐘加第3次, 啱放咗第2任先生落去都等咗半個鐘先餵夫人, 啱放嗰時夫人只係驚咗一陣, 第2任先生都仲會喺袋裡面游同埋啄袋, 餵嗰陣我刻意將糧放近個袋, 第2任先生有反應啄吓啄吓的, 到咗第1次加水第2任先生都仲係生猛, 夫人亦只係驚咗一陣, 到加咗第2次水之後就好似出咗問題了.....

(第2次加水之後夫人就一直好驚喺缸度亂咁衝嚟衝去......

)

第2任先生沉底都幾恐怖, 郁都唔郁, 好似化石咁幾分鐘, 但突然間又會彈起身好似夫人咁發神經喺個袋度衝嚟衝去, 衝十幾秒之後喺袋中間唔郁, 成身沉落底......期間光管個時間掣夠鐘斷電, 第2任先生都有反應游起咗少少, 不過即時沉底....

真係想知究竟仲有邊度做得唔好......

無論點, 總要落缸一試, 加埋鹽, 落缸十零分鐘, 暫時第2任先生淨係識得喺缸面游, 游的活躍度都唔算差, 唯獨活動範圍局限喺缸面

半個鐘左右, 開始游落缸, 而夫人狀態就回復正常

熄燈瞓覺, 睇吓幾個鐘之後點情況先

喺度順帶多謝kb同一眾網友一直幫忙

===============================================
補返第1任天空藍白子先生遺照:

(臨死前條尾好乾旱, 外界輕微接觸就好易被緣條紋撕開, 由藥浴4日結束, 落缸浮面1個鐘左右就沉底全身無力了)

[ 本帖最後由 Doioi 於 2010-2-6 01:29 編輯 ]

作者: Doioi 時間: 2010-2-12 01:22 標題: 12/2/ update 1 黑白配

第2任天空藍白子先生遷入咗幾日, 狀態越嚟越好, 禽晚仲見到佢"發情"

, 終於有第1對魚的成功開始

今日又有新魚遷入, 黑木炭, 超靚

捉黑木炭夫人落缸時意外甩手, 飛墜30cm跌咗落鍵盤枱上面, 囧

落缸黑木炭先生好似頭輕尾重, 個身打斜咗游, 游水方面見佢好似有D吃力, 係咁郁胸鰭嘗試壓低上半身, 差唔多壓到上半身又浮返起

, 唔怪得養大尾水流要控制得好好了...... 另外佢條尾有1度裂開咗 (下面張相好明顯睇到的, 以條魚橫放計, 開晒尾由頂數落嚟1/3位置), 未出袋已經有, 唔知有無問題

(好黑啊.....)

希望佢哋能夠盡快適應新居

作者: prince_cock_kb 時間: 2010-2-12 02:54

QUOTE:

原帖由 Doioi 於 2010-2-6 00:30 發表
最近3日, 天空藍白子夫人過的都係獨居生活, 但狀態依然大勇, 於是禽晚帶第2任天空藍白子先生返去陪佢

禽日換�W1/3水, 用水沖走掛濾裡面大部分廢物同埋換�W掛濾3條用�W2個禮 ...

我要say sorry 先真,
由於近日太忙,經常都不能以最快速度回覆

作者: prince_cock_kb 時間: 2010-2-12 02:55

QUOTE:

原帖由 Doioi 於 2010-2-12 01:22 發表
第2任天空藍白子先生遷入�W幾日, 狀態越癧越好, 禽晚仲見到佢"發情"

, 終於有第1對魚的成功開始

今日又有新魚遷入, 黑木炭, 超靚

捉黑木炭夫人落缸時意外甩 ...

你個相機都好似唔差

影得佢地幾靚,
請問可唔可以借圖一用呢?

作者: Doioi 時間: 2010-2-12 05:54

QUOTE:

原帖由 prince_cock_kb 於 2010-2-12 02:55 發表

你個相機都好似唔差

影得佢地幾靚,
請問可唔可以借圖一用呢?

是SE Satio 拍的

觀迎分享

作者: 動漫迷 時間: 2010-2-12 12:40

QUOTE:

原帖由 Doioi 於 2010-2-12 05:54 發表

是SE Satio 拍的

觀迎分享

請問咩係 SATIO?
SE = SONY ERRICSSON?

作者: prince_cock_kb 時間: 2010-2-12 12:46

QUOTE:

原帖由 動漫迷 於 2010-2-12 12:40 發表

請問咩係 SATIO?
SE = SONY ERRICSSON?

我都想知X2

作者: 飛腳 時間: 2010-2-12 15:38

s級黑木炭

作者: prince_cock_kb 時間: 2010-2-12 16:17

QUOTE:

原帖由飛腳於 2010-2-12 15:38 發表
s級黑木炭

要留意條女

作者: 飛腳 時間: 2010-2-12 16:26

QUOTE:

原帖由 prince_cock_kb 於 2010-2-12 16:17 發表

要留意條女

黑妹= =

作者: prince_cock_kb 時間: 2010-2-12 17:05

QUOTE:

原帖由飛腳於 2010-2-12 16:26 發表

黑妹= =

都係黑到成條都上身

作者: wmh714 時間: 2010-2-12 17:09

莫藍女嗎??

作者: prince_cock_kb 時間: 2010-2-12 17:20

QUOTE:

原帖由 wmh714 於 2010-2-12 17:09 發表
莫藍女嗎??

可以係咁講,
實質係完全優化版

作者: 飛腳 時間: 2010-2-12 17:37

QUOTE:

原帖由 prince_cock_kb 於 2010-2-12 17:05 發表

都係黑到成條都上身

我都係鐘意D顏色鮮艷D既

作者: Doioi 時間: 2010-2-15 00:48 標題: 15/2 update 1　身懷六甲迎新歲

QUOTE:

原帖由 動漫迷 於 2010-2-12 12:40 發表

請問咩係 SATIO?
SE = SONY ERRICSSON?

QUOTE:

原帖由 prince_cock_kb 於 2010-2-12 12:46 發表

我都想知X2

SONY ERICCSON (SE) 第1部1200萬像素相機手機 SATIO

===================================================

由落總店到今日都1個禮拜有多了, 白子紅化全紅緞帶夫人仲係未生得, 巧合地帶咗佢返嚟, 雖然第1次"接生", 當然希望能夠成功啦

重重難關都一一俾夫人挨過了, 白點病, 疑似爛鰭, 疑似發炎—細菌性敗血病 (療程詳見{未命名新缸}post 7樓)

天意往往弄人, 今次似乎又錯過咗落缸適應餵食的黃金時期, 感覺好複雜, 就好似轉咗新環境之後, 幾日至一個禮拜或更耐唔餵, 條魚就會攰, 唔想或者無力開口食嘢或者搵嘢食, 自問暫時技術仲未到家, 未掌握點樣微調水流扭轉乾坤, 唯一可以做到就係落糧, 但佢又未必食到或肯食, ,

當佢未習慣你餵佢, 落糧隻手擺得太近又會嚇親佢, 可能本來佢想食都變咗唔食,

每次落糧, 唔係一定可以順利落到佢嘴邊或者引到佢埋去食, 如果本身唔肯食, 就算咁啱落到邊嘴佢都唔會食,

受水流影響, 可能去到嘴邊, 但等一陣, 佢想食嗰時又沖走咗, 佢懶得或者已經餓到無力去追

糧一浸得耐, 又會減低佢想食的意慾

攪到好似一失足成千古恨咁.......

當新落缸隨即落藥時, 情況更難控制, 已故黃化紅蕾絲夫婦就係新落缸白點病下的第1對犧牲品......

言歸正傳, 日前{洞心庭園}同{未命名新缸}進行咗調缸工程, 白子紅化全紅緞帶夫人正式遷入, 如果有幸順產, {洞心庭園}將會係白子紅化全紅緞帶魚B的起源兼根據地

由於屈喺生仔兜度4日都仲未生得, 喺12/2晚已經唔用生仔兜, 放返夫人出嚟, 怕屈死夫人, 但就可能要犧牲一部分魚B, 算了, 夫人情況唔樂觀, 都係保住夫人先

放返出嚟之後, 夫人一係沉底, 一係浮面, 無乜游動, 今日見到佢尾鰭不時都會收縮擴張

尾鰭收縮之際

其實轉缸同受驚嚇時, 夫人反應都會好強烈的, 捉的時候掙扎得好厲害, 總算不至於"垂死", 但而家佢成個禮拜唔食嘢, 又唔係點郁, 俾我感覺佢真係好似喺度等死咁

最慘係, 夫人唔知受咗咩刺激, 有2次突然間衝入酒桶度, 之後我見到成缸充滿咗邋遢嘢, 好似啱啱攪起咗個沙底咁, 第2次, 夫人入咗酒桶無出返嚟, 撩返佢出嚟, 點知無啦啦整撻瘌.....

胸鰭爛部分消失晒, 之前黐住一抽1/6胸鰭咁長的白屎狀物體

尾部紅褐斑褪晒

另外, 夫人keep住屙透明屎, 好幼的, 唔係太長, 已故黃化紅蕾絲夫人臨死前嗰日都係咁, 不過屎就好長好粗, 家陣都有D驚

漫長的等待真係難頂.......

[ 本帖最後由 Doioi 於 2010-2-15 03:48 編輯 ]

作者: Doioi 時間: 2010-2-17 22:48 標題: 17/2 update　白點車輪戰

15/2

跟上一個update相隔唔夠2個鐘, 白子紅化全紅緞帶夫人就瓜咗......

沖涼前仲見佢浮緊面, 沖完涼出嚟.....

05:00

佢鑽咗入去酒桶個窿度, 淨係露出咗尾部, 見佢完全唔郁, 外觀好似死咗咁, 於是伸把鉗落去輕輕扯佢出嚟, 扯咗2吓都有反應想縮入去, 之後由水面望落去, 見到胸鰭唔郁, 再扯, 今次完全無反應, 一扯扯咗出嚟, 瓜咗, 頭頂又多咗一大點紅點傷痕.........頭先扯佢嗰2嘢反應可能係肌肉條件反射吧.......

拎出水面睇, 佢個股突吓突吓郁緊, 即刻萌生一個念頭, 攞佢D魚B出嚟!!!

臨急臨忘, 先發覺原來無𠝹刀, 攞生仔兜裝住, 攞支針一拮, 放咗好多魚B胎出嚟, 成咗形, 但唔郁, 應該全部都仲未爆卵, 第1次咁整, 所以開頭拮爆咗好多卵, 唧出嚟嗰時應該都擠壓到入面未出嚟亦未爆的卵好勁, 最後出晒嚟, 成條跌出嚟的應該瓜晒, 淨低未爆卵的都無乜希望

整甩咗夫人好多鱗.......

過咗幾個鐘, D卵都開始變白, 連僅有少少紅色都消散埋......不過都諗住繼續浸多一日睇吓點先

又過咗一陣, 帶咗第2任夫人返嚟, 因為缸水勁嗅, 所以突然有衝動想清咗個缸, 估唔到幾個鐘後即刻用得著.......變成醫生缸......

喺洗缸前, 將第2任夫人放咗落(大缸){未命名新缸}度保溫

原袋保溫中.....我竟然發現唔到原來未出袋已經染咗白點病.....影相嗰時都唔知.....
夫人:"咁都得?!

"(設計對白)

呢個時候, 終於知沉底的白子紅化全紅緞帶先生發生咩事, 條尾上同下角位有紅褐色, 而且下角都幾深.........但佢已經落咗缸2日, 可能一早都出咗事, 今次又遲咗發現......

比啱買返嚟嗰日收咗尾

值得留意的係, 天氣咁啱呢1,2日轉冷, 之前D魚都係轉天氣先病, 但又咁啱次次買返嚟都即轉天氣......

即刻用樽仔隔起咗先生, 放住喺同缸保溫先

過咗幾個鐘, 終於洗好細缸了, 呢個時候, 佢正好發揮作用, 易名{醫園}, 取其諧音"醫完"(醫好咗)

因為先生乃咗嘢, 所以都金精火眼檢查同缸5條魚身, 結果發現另一位白子紅化全紅緞帶先生個身側面望好似有白斑, 但D白斑又好似本身顏色, 但正面望佢嗰陣白斑嗰D位又好似有白點突咗出嚟, 橫掂有個醫生缸, 索性捉埋佢出嚟醫

另一位先生白點似是而非, 超難睇

16/2

真係家門不幸......一家三口齊齊中招.....

夫人白點病正邁去高峰期, 3條同缸其實都超驚2位先生會惹埋夫人白點病

醫生缸得一個, 實在難於取捨, 夫人白點, 先生車輪蟲, 另一先生疑似白點, 顧此失彼, 最後落咗魚救, 希望佢大小通吃, 可惜事與願違.......

可能使用不當, 發覺魚救今次對白點病毫無作用.... 幾個鐘之後一家三口一齊嚴重咗.......

夫人白點惡化到全身都係......

車輪蟲先生個身出埋白點, 唔知本身就乃咗嘢, 定係俾夫人惹到

另一位先生個身都開始出好細粒的白點, 都係嗰句, 唔知本身就乃咗嘢, 定係俾夫人惹到

距離第1次落藥唔夠12個鐘, 實在忍唔到手, 換咗1/3水, 落1次白點淨, 都覺個缸D藥會太濃, 但想搏一搏......

幾個鐘之後......

夫人身上白點簡直到巔峰狀態, 太恐怖了....

2位先生白點亦都惡化咗......

有少少打定輸數....

再幾個鐘之後......

夫人好咗好多

車輪蟲先生白點褪咗8,9成, 但尾鰭紅褐邊未好過

另一位先生白點病正值巔峰期, 白點大大粒

17/2

車輪蟲先生情況並唔樂觀........

瘦咗成個碼, 又再收咗D尾鰭, 尾鰭紅褐位大咗好多, 而且尾鰭望落好似無乜光澤, 少少似已故天空藍白子臨死前尾鰭暗淡無光咁, 浮面游但無乜力

尾鰭中間對上無爛(張相裡面鰭中間對上灰色位可能雜訊), 尾鰭淨係上下角位有紅褐邊,

雖然呢張相2尾鰭焦距唔同, 但睇實魚車輪蟲先生尾鰭質感的確較差

真係好驚呢種浮面法

忍唔住餵咗小量利口糧同赤蟲, 一家三口清晒, 但車輪蟲先生實在太瘦了......

另一位先生同夫人非常活躍, 先生係咁追住夫人, 完全無收過鰭之餘, 仲扯(背)旗同嗰度(見佢轉咗180度, 據聞公緞帶部分就係生殖器, 唔出緞帶嗰D公魚嗰度應該都係吧?), 唔通後生魚女係吸引D?

(夫人只得3個月大)

佢哋完全莫視咗車輪蟲先生

先生好猴摛.....

部咗好耐都影唔到夫人, 放棄....

夫人左邊身有2點白點, 但好似又開始起緊咁....

另一先生右背鰭仲有淺淺哋白點印未褪晒

最後, 選擇咗落返魚救, 希望今晚返嚟有好轉吧, 如無意外, 應該可以先放行狀態滿分嗰位先生同埋夫人

[ 本帖最後由 Doioi 於 2010-2-18 00:39 編輯 ]

作者: prince_cock_kb 時間: 2010-2-18 01:27

想了解一下似有時好紅,
但有時又不太紅呢?

作者: Doioi 時間: 2010-2-18 01:41

QUOTE:

原帖由 prince_cock_kb 於 2010-2-18 01:27 發表
想了解一下似有時好紅,
但有時又不太紅呢?

其實實魚係好橙的橙紅色, 可能開咗白光管, 有時影嗰陣對焦鏡頭入到白光條魚就會橙D, 入唔到就會紅D

其實都係想要偏紅的橙紅色, 但可能養得唔好, 甩甩哋色, 攪到紅化變咗橙化

作者: 飛腳 時間: 2010-2-18 01:57

我都中左招= =

作者: prince_cock_kb 時間: 2010-2-18 02:11

QUOTE:

原帖由 Doioi 於 2010-2-18 01:41 發表

其實實魚係好橙的橙紅色, 可能開�W白光管, 有時影瓱陣對焦鏡頭入到白光條魚就會橙D, 入唔到就會紅D

其實都係想要偏紅的橙紅色, 但可能養得唔好, 甩甩𤀺色, 攪到紅化變�W橙化 ...

慢慢黎啦...
養到已經有左好大進步

作者: prince_cock_kb 時間: 2010-2-18 02:12

QUOTE:

原帖由飛腳於 2010-2-18 01:57 發表
我都中左招= =

自己唔發post,搞到人地

作者: 飛腳 時間: 2010-2-18 02:41

QUOTE:

原帖由 prince_cock_kb 於 2010-2-18 02:12 發表

自己唔發post,搞到人地

咁岩先一齊分享病情= =

作者: Doioi 時間: 2010-2-18 03:08

QUOTE:

原帖由飛腳於 2010-2-18 01:57 發表
我都中左招= =

祝早日康復

另外, 請問條魚叫咩名?

作者: 飛腳 時間: 2010-2-18 03:17

QUOTE:

原帖由 Doioi 於 2010-2-18 03:08 發表

祝早日康復

另外, 請問條魚叫咩名?

紅禮服

作者: prince_cock_kb 時間: 2010-2-19 00:01

QUOTE:

原帖由飛腳於 2010-2-18 03:17 發表

紅禮服

今日情況如何?

作者: 飛腳 時間: 2010-2-19 00:48

QUOTE:

原帖由 prince_cock_kb 於 2010-2-19 00:01 發表

今日情況如何?

勁過琴日= =

作者: Doioi 時間: 2010-2-19 01:02 標題: 19/2 update 1

總括嚟講, 而家白子紅化全紅緞帶一家病分2頭, 白點病同車輪蟲, 下面列出病歷與落藥劑量, 每次落藥都換走1/3水, 落埋黃粉, 粗鹽, 新水劑

表達方式--->

日期, 時間

病:病魚(病況)

第幾劑, 藥及劑量

=========================================

16/2 03:30

白點病: 勁活躍開晒鰭扯到行先生(身體表面開始醞釀中, 未爆發), 夫人(身體表面白點爆發中, 準備邁向高峰)

車輪蟲: 車輪蟲先生(僅尾鰭左邊上下角有紅褐邊)

第1劑: 魚救2滴

=========================================

9個鐘後, 16/2 12:30

白點病: 勁活躍開晒鰭扯到行先生(身體表面準備隨時爆發, 有幾點小白點), 夫人(身體表面白點爆發高峰期啱開始), 車輪蟲先生(身體表面準備隨時爆發, 有幾點小白點)

車輪蟲: 車輪蟲先生(僅尾鰭左邊上下角有紅褐邊)

第2劑: 白點淨5滴

=========================================

30個鐘後, 17/2 18:30

白點病: 勁活躍開晒鰭扯到行先生(僅背鰭留低淺白點印), 夫人(僅右邊身剩低2點細白點, size形態好似初起咁), 車輪蟲先生(完全康復)

車輪蟲: 車輪蟲先生(尾鰭左邊上下角紅褐邊加深, 並開始爛到出鋸齒)

第3劑: 魚救2滴

==========================================

29個鐘後, 18/2 23:30

白點病: 勁活躍開晒鰭扯到行先生(下半身有1點, size形態係爆發中咁大粒明顯), 夫人(身上有幾點, size形態係爆發中咁大粒明顯)

車輪蟲: 車輪蟲先生(成條尾鰭出紅褐邊, 爛到出鋸齒)

第4劑: 白點淨5滴

========================================

1. 唔知係咪魚救份量掌握得唔好, 對白點病爆發初期完全無效, 對康復期亦唔能夠斷尾, 淨返幾點褪唔到, 得個拖字, 又慢慢惡化返

醫治中期, 白點病爭少少就斷到尾唔繼續落白點淨反而落魚救係想試吓魚救能唔能夠一石二鳥, 同一時間醫到接近康復期的輕微白點同埋爆發中的車輪蟲, 可惜事與願違, 而家希望第4劑可以斷到白點病, 喺勁活躍開晒鰭扯到行同夫人惹到車輪蟲之前放行

2. 睇嚟車輪蟲先生凶多吉少, 車輪蟲醫唔到, 不斷惡化

3. 身型:

勁活躍開晒鰭扯到行先生: 正常, 唔肥唔瘦

白點喺右邊腹鰭對上, 1粒

車輪蟲先生: 瘦

夫人: 正常, 唔肥唔瘦

肚底有幾粒白點, 另外左邊身1粒(影唔到)

4. 活躍度:

勁活躍開晒鰭扯到行先生: 非常好, 缸中游
車輪蟲先生: 反應略慢, 少少呆, 浮面
夫人: 好, 缸中游

5. 食慾 (利口糧及赤蟲) :

勁活躍開晒鰭扯到行先生: 食量一般, 有少少正常見到食物的雀躍反應
車輪蟲先生: 食量較少, 無正常見到食物的雀躍反應
夫人: 食量一般, 無正常見到食物的雀躍反應

[ 本帖最後由 Doioi 於 2010-2-19 01:50 編輯 ]

作者: prince_cock_kb 時間: 2010-2-19 02:37

現在的狀態好像不錯呀

作者: Doioi 時間: 2010-2-19 21:34 標題: 20/2 update 1　車輪3鬥士

1. 病歷與落藥劑量

==========================================

20個鐘後, 19/2 19:30

白點病:

勁活躍開晒鰭扯到行先生(完全康復

)

夫人(完全康復

)

車輪蟲:

勁活躍開晒鰭扯到行先生(慢性病發, 尾鰭上角有2度淺紅褐斑)

車輪蟲先生(無好過, 成條尾鰭出紅褐邊, 爛到出鋸齒)

黑木炭先生(急性病發, 尾鰭邊中間對落區域出現紅褐邊兼爛入1-2mm)

第5劑: 魚救4滴

========================================

2. 身型:

勁活躍開晒鰭扯到行先生: 正常, 唔肥唔瘦

車輪蟲先生: 瘦

夫人: 正常, 唔肥唔瘦 (已放行)

放行, 對水中, 返大缸前留影

黑木炭先生: 肥

3. 活躍度:

勁活躍開晒鰭扯到行先生: 非常好, 缸面及中游
車輪蟲先生: 反應略慢, 少少呆, 浮面
夫人: 好, 缸中游 (己放行)
黑木炭先生: 沉底, 浮面哩喺暖管後面, 原位郁得好勁

4. 食慾 (利口糧, 片糧及赤蟲) :

勁活躍開晒鰭扯到行先生: 食量一般, 有少少正常見到食物的雀躍反應
車輪蟲先生: 食量較少, 有少少正常見到食物的雀躍反應
夫人: 放行前並無餵食, 落大缸後狂吞赤蟲 (我等佢返咗大缸半個鐘後先一次過餵大缸D魚)
黑木炭先生: 落藥缸餓一日, 等聽日先餵

5. 唔知勁活躍開晒鰭扯到行先生係咪醫緊白點嗰時惹咗車輪蟲

車輪蟲先生病情不斷惡化, 黑木炭先生一日之內由無事變有事, 真係擔心3位先生一齊瓜老襯

6. 用藥劑量重咗1倍, 試吓又好點都好, 硬係覺得再拖落去車輪蟲先生唔擺得幾耐

又驚控制唔到另外2位先生D車輪蟲

[ 本帖最後由 Doioi 於 2010-2-20 02:19 編輯 ]

作者: Doioi 時間: 2010-2-23 21:36 標題: 24/2 update 1

1. 病歷與落藥劑量

由21/2開始每日添加2滴孔雀魚維他命

================承接106樓==================

29個鐘後, 21/2 00:30

車輪蟲:

勁活躍開晒鰭扯到行先生(輕微惡化, 尾鰭邊上角, 中出現淺紅褐斑)

車輪蟲先生(惡化, 尾鰭紅褐邊更闊更深色更深入, 爛深咗少少)

黑木炭先生(輕微惡化, 尾鰭邊對上出現紅褐邊, 保持近中間對落區域出現紅褐邊兼爛入1-2mm)

第6劑: 青霉素微量

========================================

48個鐘後, 23/2 00:30

白點病:

黑木炭先生(病況輕微, 尾鰭左邊, 右胸鰭, 背鰭各1點)

車輪蟲:

勁活躍開晒鰭扯到行先生(惡化放緩, 尾鰭邊上角, 中間紅褐斑輕微加深)

車輪蟲先生(惡化放緩, 尾鰭紅褐邊淡化, 爛深咗少少)

黑木炭先生(惡化放緩, 尾鰭邊對上出現紅褐邊, 保持近中間對落區域出現紅褐邊兼爛入1-2mm)

第7劑: 青霉素微量(增量100%)

========================================

18個鐘後, 23/2 18:30

白點病:

黑木炭先生(病況輕微好轉, 而家仲有左尾鰭, 右胸鰭各1點, 背鰭1點褪咗)

車輪蟲:

勁活躍開晒鰭扯到行先生(慢性病發, 尾鰭上角有2度淺紅褐斑)

車輪蟲先生(無好過, 成條尾鰭出紅褐邊, 爛到出鋸齒)

黑木炭先生(急性病發, 尾鰭邊中間對落區域出現紅褐邊兼爛入1-2mm)

========================================

2. 身型:

車輪蟲先生, 剪咗尾, 收晒尾, 勁瘦

表面睇落已經界走晒紅褐邊區域, 但就有少少白邊留低咗

黑木炭先生, 好為食, 所以淨係瘦咗少少

右胸鰭有1白點, 可能影得尾鰭邊矇咗, 其實尾鰭邊中間對上有紅褐邊, 之後對落緣住爛咗的尾鰭邊都有少少紅褐邊, 無收過尾

尾鰭中央近尾有1白點

勁活躍開晒鰭扯到行先生

尾鰭邊中間打緊post呢幾個鐘內爛咗一個凹位

另外由上角開始有紅褐邊緣住落到尾鰭邊中間凹位, 凹位對落尾鰭邊爛咗1-2mm但無紅褐邊, 收咗少少尾

3. 活躍度:

勁活躍開晒鰭扯到行先生: 一般, 開始一半時間浮面發呆, 一半游缸面缸中
車輪蟲先生: 極差, 浮面, 一時缸面游動但表現乏力, 一時缸面邊發呆
黑木炭先生: 一般, 開始一半時間浮面發呆, 一半游缸面缸中

4. 食慾 (利口糧, 片糧) :

佢哋而家完全無視赤蟲, 原條, 整碎都係

勁活躍開晒鰭扯到行先生: 食量一般, 有少少正常見到食物的雀躍反應
車輪蟲先生: 食量非常少, 無正常見到食物的雀躍反應, 有時仲會因為唔夠力游同其餘2位先生爭位想食而食唔到
黑木炭先生: 爭食, 有正常見到食物的雀躍反應

====================================================
====================================================

醫咁耐都無好轉, 感覺浸藥呢家嘢好講天時地利人和

如果及早發現, 用藥得宜, 1,2日就見效

如果發現得遲, 又或者多過1隻病同時夾攻, 又或者再細分唔到缸, 就要作長期抗戰, 浸得越耐, D魚身體狀況就會越嚟越差, 變瘦, 無胃口, 最後就算醫唔醫到都會虛脫而死

而家情況最差就係車輪蟲先生, 話晒都浸咗成個禮拜藥有多, 白點淨, 魚救, 青霉素都試齊晒, 由開頭幾日收少少尾通缸游肯食嘢, 到而家收晒尾呆喺水面缸角落頭, 有嘢食有時先會勉強游埋去咬下, 但都係吐多過食落肚, 到而家都仲堅持緊, 生命力真係強

, 我好佩服佢

因為22/2開始車輪蟲先生已經頹晒, 接近之前黃化紅蕾絲先生, 第1任天空藍白子先生瀕死狀態, 而黑木炭先生同勁活躍開晒鰭扯到行先生狀態都仲保持到7, 8成, 雖然有話用藥最好唔好餵, 但一諗起唔餵一段日子, 佢哋就會喺有氣有力狀態之下唔肯食嘢, 到瘦到無力想食都食唔到, 最後餓死, 就忍唔到手, 就當做一個試驗, 試吓用藥期間餵到盡飽, 睇吓咁樣可唔可以keep住 D魚的狀態, 所以呢3日實行少食多餐, 隔1-2個鐘1餐, 少量利口糧, 片糧, 每次黑木炭先生同勁活躍開晒鰭扯到行先生都會爭食, 車輪蟲先生間唔中會過去食吓, 試咗呢3日勉強叫做減慢到D魚浸藥浸得耐引致狀態下滑的速度, 黑木炭先生同勁活躍開晒鰭扯到行先生無明顯消瘦, 無收鰭, 一般活躍, 再過多幾日就唔知, 但再醫唔到都應該都凶多吉少...........

正當將希望完全放喺青霉素嗰陣, 今日發現原來仲未掌握到佢的藥性

因為呢隻藥都幾強, 所以落嗰陣要好小心調校份量, 而且唔可以落得太密, 稍一不慎就會KO埋D魚, 所以落第1劑都只係落咗建議份量, 但觀察咗2日, 情況好似無乜好轉, 黑木炭先生同勁活躍開晒鰭扯到行先生尾鰭上面紅鰭邊無加無減, 尾鰭無再繼續爛, 車輪蟲先生尾鰭就仲係有一道1-2mm闊紅褐邊, 但就好似淺色咗少少, 勉強嚟講, 車輪蟲情況似乎受到控制, 但殊不知, 禽日將份量加倍, 今日竟然.......

黑木炭先生同勁活躍開晒鰭扯到行先生尾鰭上面紅鰭邊無多到但深色咗, 尾鰭爛多咗1mm, 無收鰭, 但就呆過禽日, 浮埋面.......車輪蟲先生只係個身好咗, 尾端嗰點紅褐點褪咗, 但尾鰭就慘不忍睹, 爛多咗一大截, 1-2mm闊紅褐邊繼續緣住尾鰭向身擴散, 浮喺面頹到側埋身.........

唔知係咪細缸浸咗成個幾禮拜藥, 裡面太多菌, 每次落藥換走1/3至半缸水個缸都仲係有好多菌淨.....

見車輪蟲先生奄奄一息, 橫掂都係, 捉佢出嚟剪尾.....

可能佢本身已經無乜力, 所以避唔到幾下就捉咗佢出嚟, 我膠袋墊住, 佢出水掙扎咗幾下, 開頭捉唔到路點按定佢, 攪咗一陣先按住咗佢上半身, 跟住就輕輕撥開佢尾鰭, 界走咗紅褐邊部分, 但分咗好多刀去界, 同埋界得好肉酸, 而且我發現佢條尾係甩色的, 操刀嗰個位有D溶咗落水的橙色

呢次上水"手術"歷時約2-3分鐘

操刀完之後放返佢落缸, 見佢無乜話特別頹, 喺水面游游吓, 動態就好似好似未剪之前咁, 但望真D尾鰭一條條紅色微輸血管就明顯咗, 令到睇落下角好似仲有少少紅褐邊未界走, 雖然之前落刀應該界走晒, 但唔放心於是再捉佢出嚟撥開條尾睇真D, 條尾又甩咗好少橙色出嚟, 可能連嗰少少紅褐邊都"捽"甩埋, 好仔細望清楚佢條尾之後, 無再操刀, 放返落水

呢次上水歷時約1-2分鐘

今次落缸就完全唔掂, 猛烈掙扎咗一陣之後即刻頹晒, 成個身打平咁浮喺水面, 完全無力, 仲俾掛濾水流吸咗埋去, 嚇得我即刻伸隻手落去撩佢出嚟, 嗰時心諗唔上水第2次應該無事, 今次真係活生生整死條魚了........

但車輪蟲先生比我想像中硬淨好多, 開頭喺水面中間我扶正佢個身, 佢無乜力又瞓返低, 之後我推佢埋去缸邊扶正佢, 佢似乎頂到一陣先再瞓低過, 如是者幾次之後佢好似可以自己坐返正個身, 隔咗一陣佢仲識游出缸面中間擺尾, 又頂得順掛濾同水妖D水流, 間唔中黐返埋缸邊, 頭幾個鐘就完全唔肯食嘢, 而家又開始開口食返利口糧了

前幾日開始, 即係未界尾之前, 佢都會黐埋缸邊發呆, 游出缸面中間時間越嚟越少, 而家界咗尾, 佢有時都會黐埋缸邊發呆, 但見佢開始游多咗出缸面中間, 而家呢轉已經游咗出嚟個幾鐘

可以做的都做晒了, 希望佢之後肯食嘢同好得返la

[ 本帖最後由 Doioi 於 2010-2-24 00:24 編輯 ]

作者: prince_cock_kb 時間: 2010-2-23 22:24

QUOTE:

原帖由 Doioi 於 2010-2-23 21:36 發表
1. 病歷與落藥劑量

由21/2開始每日添加2滴孔雀魚維他命

==========================================

29個鐘後, 21/2 00:30

車輪蟲:

勁活躍開晒鰭扯到行先生(慢性病發, 尾鰭上角有2度淺紅褐斑 ...

講得好岩.
用藥要明快

作者: Doioi 時間: 2010-3-2 00:20 標題: 2/3 update 1　悅悠別苑　之　聚首一堂

又幫細缸轉名了, 洞心庭園 --> 醫園 --> 悅悠別苑

而家覺得, 有多個缸都幾方便, 可以用佢嚟做緩衝, 一係做醫生缸, 一係做過缸暫時居所, 有機會可能做埋魚B養殖場tim, 遲吓再買多套細缸以備不時之需, 對付白點病同車輪蟲雙響炮就唔使顧此失彼

悅悠別苑

別苑故名思義係俾魚魚暫居

轉缸嘅魚滿懷喜悅入住
有病嘅魚就喺度悠閒養病

缸名帶有祝願之意, 希望各位魚友越游越有

=================================================

update下呢幾日嘅嘢

病歷與落藥劑量

================承接107樓==================

29個鐘後, 24/2 23:30

白點病:

黑木炭先生(病況維持, 家仲有左尾鰭, 右胸鰭各1點)

車輪蟲:

勁活躍開晒鰭扯到行先生(惡化放緩, 尾鰭邊上角, 中間爛咗嘅凹位紅褐斑無消褪)

車輪蟲先生(無惡化, 切除尾鰭車輪蟲侵蝕部分後尾鰭無再爛入去, 放行)

黑木炭先生(惡化放緩, 尾鰭邊對上出現紅褐邊, 保持近中間對落已爛紅褐邊區域)

第8劑: 青霉素微量(再增量100%)

========================================

25/2

今日發生咗件意想唔到嘅事, 就係勁活躍開晒鰭扯到行先生跳咗出缸死咗.........

據聞阿媽朝早買完餸返屋企嗰陣發現佢已經伏屍喺地下, 爆肚慘死.........

估唔到佢會行先過車輪蟲先生.........

車輪蟲先生過咗大缸之後食慾都依然唔係太好, 唔係每次落親糧都肯食, 當佢想食嗰時又俾個水流整到佢食唔到, 成個身瘦到扁晒, 雖然仲會喺缸面缸中游同擺尾, 但就唔睇好, 禽日其實都唔知佢仲有無事, 只係見佢條尾界咗車輪蟲嗰忽之後無爛落去, 但擔心佢咁瘦弱兼且已經浸咗個幾禮拜藥再浸落去真係會出事, 先搏一搏過返啱落完白點淨仲係吸緊藥階段嘅大缸度

黑木炭先生D胃口比啱落醫生缸嗰時好咗D, 只能用極度為食嚟形容, 糧落幾多佢就同你清幾多

26/2

今日輪到車輪蟲先生夠期........堅持咗咁耐, 由一開始身形飽滿, 浸咗個幾禮拜藥都無起色, 結果要接受剪尾手術, 最後終於瘦到撐唔住

黑木炭先生似乎開始好返, 紅褐邊都褪晒, 而且落咗醫生缸成個禮拜都保持到狀態, 仲食好多嘢, 勁!

之後如非必要都係唔好喺天氣大變期間加魚, 尤其係寒流襲港, 免得步白子美國紅化全紅一家三口全軍覆沒後塵, 天氣大變, 就算有幾好嘅技術同埋藥都會打咗節扣

27/2

今日黑木炭先生尾鰭已經第2日唔見紅褐邊了, 應該都好返了, 終於有第1條魚成功醫好車輪蟲la!!!

適逢大缸嗰邊開始攪造景, 又要洗缸浸缸攪一大輪了, 仲有洗沙, 用咗成晚先攪掂咗個細缸同洗咗少少沙, 率先入返細缸嘅係黑木炭先生, 不過我又喺對水中途瞓著咗, 又係瞓到天光

28/2

全部魚順利順利過晒細缸, 兜兜轉轉, 農曆年前7條魚喺細缸保溫, 對水聚過一聚, 到而家又返返嚟細缸度, 不過能夠重返細缸嘅只有天空藍白子, 黑木炭夫婦, 前白子美國紅化全紅緞帶一家已經陣亡咗, 得返後補嘅夫人二世, 呢段期間細缸不斷落藥, 大缸都落埋藥同做咗分隔, 都覺得養得幾辛苦, 不過而家見到5條魚魚大致上都生猛返晒, 嗰種滿足感真係難以影容, 覺得好似大家一齊挨過咗一個難關咁

1/3

除咗黑木炭夫人, 其他魚胃口終於回復正常, 瘋狂搶食, 片糧嚟計, 每次落咗唔使1分鐘就清晒, 以前落片嗰時都食得慢, 大家鬥阻, 搶食技巧仲係爭D, 你推我撥之下就整咗一部分片糧落缸底 (所以覺得片糧浮水性認真麻麻), 而家集4條魚之力已經能夠短時間內掃清光大部分片糧, 希望佢哋嘅狀態呢次真真正正漸入佳境

至於赤蟲, 浸藥期間同浸藥後D魚都對佢興趣大減, 呢1,2日先開始食返

至於黑木炭夫人, 就唔係好肯食嘢, 唔知係咪之前無啦啦困咗2日半喺生仔兜度困到出咗問題, 但佢而家D動態都算OK, 淨係無乜興趣食嘢, 如果有多個缸真係會隔離咗佢先, 驚佢唔知潛伏咗D咩病未發出嚟, 等到嚟緊呢個禮拜日寒潮先發出嚟就真係Hallelujah啦..........

至於點解會困住黑木炭夫人喺生仔兜度2日半呢, 係因為25晚見到佢個股窿比之前突咗出嚟, 好似之前已故白子美國紅化全紅緞帶夫人一世咁, 而買返嚟已經覺得佢特別肥, 個肚有少少脹, 雖然個肚又望唔到D魚B魚眼之類嘅嘢, 有少少覺得佢似係就嚟生得咁樣, 而自從月中開始踏入月尾嗰時佢D胃口都開始變差, 而且我25/2, 26/2 呢2日實在無乜時間留喺屋企打理D魚, 所以將佢困咗喺生仔兜度以防萬一, 一落生仔兜佢都喺兜裡面掙扎咗一陣先停

2日幾話咁快過咗, 佢個股窿收返少少, 個肚又望唔到D魚B魚眼之類嘅嘢, 但都仲係脹脹哋, 感覺上佢係有少少呆嘅, 不過又表面上又睇唔出有咩問題, 唯有喺過缸嗰時順便放返佢出嚟, 如果無事就最好了

另外, 而家天空藍白子夫人肚右邊啱開始透視出嚟嗰個位隱約見到有1,2粒有白子魚B的紅眼, 但其他位又無咩特別, 個肚又無脹到

天空藍白子每次上鏡都咁靚, 但真魚望落硬係爭幾皮
黑木炭夫婦喺黑色底紙下依然保持住好強嘅神秘感

[ 本帖最後由 Doioi 於 2010-3-2 02:08 編輯 ]

作者: lemonteax 時間: 2010-3-2 02:28

c兄,很好的分享
支持你

岩岩仲改左post,水清魚靘呀,
對€天空藍好靚,請問o係邊到買?

[ 本帖最後由 lemonteax 於 2010-3-2 02:31 編輯 ]

作者: Doioi 時間: 2010-3-2 02:48

QUOTE:

原帖由 lemonteax 於 2010-3-2 02:28 發表
c兄,很好的分享
支持你

岩岩仲改左post,水清魚靘呀,
對€天空藍好靚,請問o係邊到買?

多謝支持

對天空藍白子係喺UA總店買嘅, 好健康好活躍

作者: Doioi 時間: 2010-3-23 04:48 標題: 23/3 update　再接再勵

死魚其實無乜大不了.....

繼續歷練, 培育技巧最重要

今次用返清缸

藍草燕尾登場!!!

蒲落缸即刻你追我逐

至於金鬍子, 喺水深火熱嘅大缸度救咗佢出嚟, 其實佢比2個禮拜前啱買返嚟嗰時瘦咗好多了, 仲未決定幾時放佢落去細缸度, 始終驚佢身上帶有病菌, 轉水養幾日先算....

作者: 貓之報恩 時間: 2010-3-23 05:01

最尾圖的魚尾巴有事嗎?

作者: Doioi 時間: 2010-3-23 05:09

QUOTE:

原帖由 貓之報恩 於 2010-3-23 05:01 發表
最尾圖的魚尾巴有事嗎?

呢種魚係燕尾, 特徵係尾鰭好似燕子尾巴咁樣叉開, 所以個名係咁得嚟

不過你提一提起, 印象中魚乸條尾上下半部都各有1條好長嘅伸出嚟, 而家下半部嗰條好似斷咗, 淨係得返上半部嗰條...........

或者你話有事係指呢樣?

[ 本帖最後由 Doioi 於 2010-3-23 05:13 編輯 ]

作者: 貓之報恩 時間: 2010-3-23 14:48

QUOTE:

原帖由 Doioi 於 2010-3-23 05:09 發表

呢種魚係燕尾, 特徵係尾鰭好似燕子尾巴咁樣叉開, 所以個名係咁得嚟

不過你提一提起, 印象中魚乸條尾上下半部都各有1條好長嘅伸出嚟, 而家下半部嗰條好似斷咗, 淨係 ...

其實我唔係好識魚既野
所以向你請教

作者: Doioi 時間: 2010-3-23 21:15

QUOTE:

原帖由 貓之報恩 於 2010-3-23 14:48 發表

其實我唔係好識魚既野
所以向你請教

我開始養孔雀2個幾月, 知嘅嘢真係唔多, 大家交流下心得就好了

===============================================

用兜仔裝住金鬍子用大缸原水放落細缸度保溫十幾個鐘, 頭先開始加水對水, 加咗1次之後1個鐘後暴斃咗..........囧

好彩今朝無即時放佢同埋對藍草燕尾一齊

[ 本帖最後由 Doioi 於 2010-3-23 21:21 編輯 ]

作者: prince_cock_kb 時間: 2010-3-24 00:18

QUOTE:

原帖由 Doioi 於 2010-3-23 21:15 發表

我開始養孔雀2個幾月, 知賫𤪻真係唔多, 大家交流下心得就好了

===============================================

用兜仔裝住金鬍子用大缸原水放落細缸度保溫十幾個鐘, 頭先開始加水對水 ...

可能係轉水對水的問題,
金胡子類的對轉水比較敏感

作者: Doioi 時間: 2010-3-28 00:15

真係耐人尋味........

繼金鬍子之後, 諗住整返條飛狐玩下

頭先對水好地地, 落缸個身仲會坐正, 隔一陣一望, 嘩..........打側瞓低咗, 再10分鐘唔夠, 釘埋...........囧

呢個缸而家養緊1對藍草燕尾, 1條玻璃蛇王夫人, 3條金屬紅蕾絲BB, 健康無異樣

作者: 出走@ 時間: 2010-3-28 03:22

QUOTE:

原帖由 Doioi 於 2010-3-28 00:15 發表
真係耐人尋味........

繼金鬍子之後, 諗住整返條飛狐玩下

頭先對水好地地, 落缸個身仲會坐正, 隔一陣一望, 嘩..........打側瞓低咗, 再10分鐘唔夠, 釘埋...........囧

呢個缸而家養緊1 ...

對水有做好嗎?
買的時候狀態如何?

作者: prince_cock_kb 時間: 2010-3-28 16:15

可能d ph太高吧!!!!!!!!!