uwants aqua - Powered by Discuz! Board

標題: 沙田市中心呃車錢黨 [打印本頁]

作者: UAE|8LUN7 時間: 2011-1-30 03:02 標題: 沙田市中心呃車錢黨

[youtube]JcuJa2fFx_g[/youtube]

P.S. 條片不是我拍的, 我只是將這位拍片者的正義行動發揚光大.. 同埋將呢類騙子乞丐手段公開, 希望大家唔好再被人呃同情心..
呢類乞丐騙子, 只要大家唔再俾錢, 無錢搵佢自然會絕跡...

下次再遇到同類事件, 無論阿婆定細佬, 同佢講句"我無錢, 洗唔洗打電話俾警察叫佢地幫你"...真心幫人.. 就應該唔好怕麻煩!!

片>>
http://www.hkmobilevideo.com/2011/01/blog-post_6385.html

條友 2011年1月25日，17︰15 左右由沙田市中心巴士總站 3 號月台先問人攞錢，之後再走o黎問 2 號月o既人。佢問到我後面隔幾個o既阿婆，阿婆想俾廿蚊佢，我止時喝住阿婆，之後條友-就突然好似賊見差人咁拔足狂奔。我覺得佢有 D 唔對路，又唔知佢係唔係 I.I.，周圍望望見無其他可疑人走埋o黎o既情況下，我就開始拍佢片。片段完結時，-佢想用個膠袋o黎打我，但當......然無用啦﹗我大喝一聲，佢又走﹗佢由沙田市中-心巴士總站跑o左去大會堂對出個巴士站，我隔佢幾十百吊住佢，當佢正想向三個學生拎錢-時，我行快兩步走埋去，佢即刻跑出馬路，差 D 俾車撞到。之後三個學生問我咩事，我解釋完後，佢o地都話好彩無俾錢佢﹗

之後我返返沙田市中心總站等巴士，隔o左一陣又見到佢行埋o黎再『開工』。我又走埋去-望住佢，佢就即刻o係膠袋拎件橙色褸出o黎著上身，之後就向樓梯位跑，跑上新城市廣場-。我就跑去吊佢尾，佢去到沙田火車站o既售票機度買o左張大埔墟o既火車飛，之後入閘-，我就即時用八達通入閘。

一落電梯o岩o岩有車埋站，佢立即標入車箱先向車尾走，又突然掉頭向返車頭走，好似想-避我咁。當佢跑到第 7 卡時，我聽到關門響號聲，我就即刻走入車箱，佢一見我走入車箱，又因車上人多無得走，-就即刻踎低，呢埋o係人群下。於是我就用電話報警，通知鐵路警區搵人截佢。去到火炭站-，佢突然發難想衝向我，但係就俾我同車上其他人制服。去到大埔墟站，有警員o係車門外-應，拖o左佢落車。警員就挪解住佢，帶住我同另一位肯做證人o既先生去車站o既警崗度-落口供。到我走時，佢仲俾警方扣留o係警崗內盤問緊。但暫時初步知，佢有香港身分證，-但就唔係三粒星o既。

作者: ☆桃仔☆ 時間: 2011-1-30 12:00

尼d人真係.....唉~
拍片既人好有正義感!一定要支持!

作者: 卡卡西 時間: 2011-1-31 00:37

幸好我不處於沙田

歡迎光臨 uwants aqua (http://uwantsaqua.freebbs.tw/)