8個鐘之內白子美杜沙燕尾先生3號涉嫌打殘禽晚新嚟嘅象牙白禮服緞帶先生

1個鐘之象牙白禮服緞帶先生由沉底變反肚死


受害魚



涉案凶魚(對水中)

可惡

=======================================

唔知過程有無出錯

事發前白子美杜沙燕尾先生3號同藍草尾先生2個幾禮拜內戰勝紅褐邊病魔, 由醫生缸(7")轉到復原缸(UP牌外置生仔箱)觀察, 一齊對水嘅有醫生缸裡面為保險計無端端俾人質佢食咗2個幾禮拜藥嘅隱型戰機同象牙白禮服緞帶先生

唔知係咪無留意公乸比例.........

之前醫生缸裡面有4公1乸(唔計隱型戰機), 一直都相安無事, 但一到咗復原缸, 缸細咗一半有多仲要得返清一色3公(唔計隱型戰機), 唔知係咪因為咁而出事.......

好彩唔係條種級藍草尾被打殘..............如果唔係仲甘...........



而家<實現村>(12"缸)轉返紫草尾先生過嚟復原缸, 皆因佢條尾鰭好似唔係好妥, 爛咗少少但仲係透明邊而未有紅褐邊, 唔知都係被打定係點(其實<實現村>裡面都幾迫, 1個2格生仔箱各有1條乸, 再加1格3公4乸3螺2工作魚, 1格1公2乸1工作魚)



見白子美杜沙燕尾先生3號咁勇悍, 為避免困獸鬥悲劇再生, 唯有將<實現村>間隔解封, 試行4公6乸2螺3工作魚睇吓有無問題(象牙白螺清缸(pH 7.5-8)1日死, 草缸(pH 8-8.5)2日死, 2隻死晒).......

另外白子美杜沙燕尾夫人2號都好返, 落埋復原缸, 同缸仲有藍草尾先生, 紫草尾先生同埋隱型戰機, 2公1乸1工作魚

[ 本帖最後由 Doioi 於 2010-5-4 00:42 編輯 ]

我冇記錯樓主仲有其他缸架?

真係衰開有條路, 2日內死咗3條魚公了

象牙白禮服緞帶先生死於非命 -- 1日唔夠被打死

紅化全紅先生藥石無靈

白子美杜沙燕尾先生3號嘥晒心機醫返好

==============================================

復原缸裡面.......

另外藍草尾先生放返出醫生缸明明條尾睇落無事只係未生返好, 但之後又爛過, 唔通要長期浸藥? 佢狀態認真麻麻, 成日沉底.....

白子美杜沙燕尾夫人2號放返出醫生缸之後都一樣係好攰.........

紫草尾先生又收尾, 都唔知咩事............

===============================================

醫生缸裡面...........

白子美杜沙燕尾先生1號浸藥都接近1個月, 反反覆覆, 禽日落埋勁嘢土霉素又好返D........

===============================================

12"缸裡面.....

今日忍唔住幫第2次待產藍草尾燕尾夫人剪走爛尾部分........

個缸已經細, 仲要有3條乸待產.............

===============================================

7"BB缸裡面....

魚B前前後後淨返5批合共約30條............囧............

===============================================

淨返5公9乸唔知挨到幾耐..........

據記錄由1月開始養, 到而家無1條養到超過2個月...........

而家帶頭有藍草尾燕尾夫人, 養咗1個月零11日, 但2次生產隔1個月左右, 據玻璃蛇王夫人經驗, 第2次生產為K胎, 3日內全身出紅斑死, 唔睇好.......

呢排又多其他嘢攪, 煩.........

遲D會整個list出嚟, 研究吓成日死魚嘅問題所在......

[ 本帖最後由 Doioi 於 2010-5-3 00:03 編輯 ]

doioi 兄的魚魚質素好高

死亡率亦都好高............

但都產了不少BB,
不會有蝕吧

大約死咗18條成魚........

魚B有排先有收成, 有2批養咗接近2個月都仲細隻過普通水草蝦........

呢幾個月經驗得嚟不易....

鼓勵 分享水族經驗及圖片   +12威望

水清魚靚
550D 好強勁

都好呀~起瑪有野學到先啦~
經驗係失敗累積返黎嫁ma

但睇黎好似好拿利下

啱啱藍草尾燕尾夫人.........

原來肚脹唔一定有咗.........(本住尋根究底心態去引証, 可能唔係人人都接受到)

其實3日前仲係好脹, 但2日前突然無咁脹..........

另外幾次真係接近生得之前, 肚脹得嚟靜止嗰陣腹鰭, 生殖器鰭會叉得好開好直

1個月零12日......

1個禮拜內第4條..........

==============================================================

而家魚B養得仲耐........

金屬紅蕾絲(5條-->3條): 最少1個月零22日 (13/3買, 唔知幾時出世)

玻璃蛇王(23條-->2條, 其中10條寄居總店, 過大海之後全部陣亡): 1個月零9日

藍草尾燕尾(23條-->6條, 其中10條寄居總店, 過大海之後全部陣亡): 1個月零3日

以上3種體型相若, 約1.2-1.5cm長

跟住係藍草尾+新加坡紅玫瑰(13+9=22條-->15條, 撈埋咗......): 分別為9日, 8日

紅化全紅基因/白子美杜沙燕尾基因?: (1條, 日前無啦啦喺缸度見到, 錯失咗1次集B機會......): 少過5日

===============================================================

成魚挨得最耐頭3有:

白子奶油黃緞帶夫人: 1個月零5日 (不過佢發育不良, 似公多過似乸, 其實唔知有無暗病傳咗開去)

白子美杜沙燕尾夫人1號: 26日

白子美杜沙燕尾先生1號: 26日 (浸藥20日, 已經開始瘦同唔係點食嘢, 唔知玩到幾耐)



[ 本帖最後由 Doioi 於 2010-5-4 01:15 編輯 ]

簡直係攞命

啱啱死埋紫草尾先生......

今個禮拜第6條........5公1乸

因為交叉感染, 今個禮拜死咗紅化全紅先生(病源白子美杜沙燕尾先生1,2,3號, 白子美杜沙燕尾夫人2號), 藍草尾先生(病源白子美杜沙燕尾先生1,3號, 白子美杜沙燕尾夫人2號, 紅化全紅先生)同埋紫草尾先生(病源藍草尾先生)

因為交叉感染, 白子美杜沙燕尾夫人2號本身好返又乃過(病源藍草尾先生), 禽日本身乃咗少少嘅電光藍先生1號1日之內變咗乃得好勁(病源紫草尾先生)

而家病魚仲有4條, 白子美杜沙燕尾夫人2號, 電光藍先生1號, 黃蕾絲先生(雖然表面未發出嚟, 但硬係覺得佢係本身乃咗少少, 保險計, 照浸), 奶油黃禮服緞帶先生(試剪尾鰭紅褐邊仍然返發, 唔浸藥唔得)

逃過呢一劫(指可以好返"出(藥)浴")嘅有藍草尾燕尾先生("出浴"幾日後暴斃, 唔知係咪浸藥太耐--個幾禮拜, 中毒死), 白子美杜沙燕尾先生3號("出浴"2日後暴斃, 唔知係咪浸藥太耐--2個幾禮拜, 中毒死, 最弊佢搵埋象牙白禮服緞帶先生陪葬 ), 藍草尾燕尾夫人("待產"期間死, 但剖屍只得腹水, 無卵), 白子美杜沙燕尾先生1號(浸藥太耐--3個幾禮拜, 出浴1日, 狀態一般, 繼續觀察)

真係要分缸醫.......可惜暫時仲係得個諗字........

[ 本帖最後由 Doioi 於 2010-5-6 23:07 編輯 ]

DOI 辛苦你啦

唔夠我個菏包咁辛苦