見到樓主咁慘, 小弟忍唔住要喺度騎劫分享吓set ex-500嘅慘痛經歷, 希望樓主唔好介意.....
ex-500我整咗2日........
第1日hea整, 桶底先砌1層bio-02, 另外總共5格飯兜, 由高至低第2-5格砌bio-02 (每格可以砌3層高, 格面仲有位可以放1塊高壓綿扣到上面嗰格而唔會頂住), 第2格面我放咗1塊高壓綿, 第1格我放2塊, 桶注滿水 (滿到蓋實濾頭之後有水瀉出嚟), 桶放喺缸同一水平, 駁喉, 反覆開電, 索到水, 又嘔晒入面D氣出嚟, 運作正常
以上唔係建議方法
kb成日教我哋先放好濾材, 桶唔好入水, 蓋實濾頭, 濾桶放喺比缸水平低小小嘅位置, 駁好出入水喉, 用口喺出水喉啜, 水自然高向低流由入水喉流入, 當桶滿水而出水喉有水準備湧出一刻開電, 可以將桶內殘流氣泡減至最小, 水流最順
==================================================
起初攪掂之後以為一勞永逸, 點知............
2日後10pm, 機緣巧合放個MA-3落缸先知原來個濾桶停咗, 之後再用唔啜嘅方法試整, 都係唔得, 咁啜lor.......嘩, 啜到想死都條入水喉都入唔到水........
好, 個桶放低過個缸(近1m, 小於最大高低水平差), 啜, 都係唔得......
反覆攪, 攪到濾頭都入埋水, 迫住要撬走IN/OUT駁原裝硬喉嗰兩個喉碼先拆到個濾頭蓋整乾濾頭內籠, 好彩濾頭內籠防水造得好, 無事
將計就計, 既然拆咗原裝硬喉嗰兩個喉碼, 即係可以將條軟喉直接套入濾頭嘅出入水口, 試將入水軟喉啜1啖氣, 等D水湧落嚟之際極速將條軟喉套落去濾頭度.............結果當然係水花四濺, 何其壯觀..........
又要拆濾頭整乾D水la........
跟住.......將個濾頭頭攞起, 喺佢入面個入水口度啜, 水一湧落嚟即刻蓋實個桶, 咁無事la呱!!! 真係work!!! 但係, 出水喉D水流細到同一滴滴無分別.........
一輪大戰都攪到間房烏煙漳氣........
呆呆吓, 以為個桶低得滯又拎返個桶擺個缸隔離試唔啜, 啜2種方法都唔得.......
5am lor.........
-----------------------------------------------------------------------------------------------------
同日最後一擊.......
清醒過後先諗起........
係咪濾頭有問題? 不如吉桶試一轉la, 無阻力都索唔到水就係咁先la
突然閃過----->會唔會係綿太厚所以索唔到水呢?
哎, 出事la, 咁簡單嘅嘢攪成咁.........
攞走第1格嗰2塊綿, 用唔啜嘅方法就ok咗..........
嗰一刻真係要俾個數字自己la
再試放返1塊綿喺第1格, 個桶即刻謝咗
2塊喺第2格, 都係唔得
結論係1塊先得, 唯有密少少洗桶........
錯有錯著, 而家無咗硬喉束縛, 個缸走喉走得方便咗, 缺點就係水流比較大, 用3,4分軟喉, 水流勁過cy-20用原裝喉好多(小弟其實唔太滿意cy-20個水流), 而ex-500用原裝硬喉, 水流比cy-20細
中段真係覺得cy-20比ex-500好好多, 但攪掂ex-500之後發覺其實佢幾好
樓主加油!!! 
結尾送上一張相: (唔知個而家呢個循環好唔好)
[
本帖最後由 Doioi 於 2011-3-30 08:16 編輯 ]
