|
影完相佢話一個禮拜後先有得睇，花左兩三個鍾頭終於搞好邊張封面邊張油畫之類，仲白紙黑字以確保所有野清清楚楚。佢話兩三個禮拜後有得睇排版，到時會通知我地。點知成個月都無人打俾我地，隔左六個星期，我地忍唔住要追佢，佢話可以睇得，於是約實日期。點知之後再約時間就話電腦壞左，真係搵鬼信呀！最後要再遲幾日...約好左一點但又係遲到，真係好嬲！一睇排版同油畫，錯晒！好似無睇過張紙咁，超馬虎！根本就無做過野！我記得個男老闆同我講係佢負責後期，真係超無料，小學生都好過佢！真係好燥，我覺得好辛苦，點解俾錢都要咁委屈？！Michelle又無double check，我鬧佢又推卸責任，淨係講對唔住！呢間野係完完全全無服務可言！之後再寫一次要求，佢話夜晚會send email俾我再睇，我後日到舖頭決定及攞全部相片softcopy(package 包左，唔係咩特別），我再臨走時講多一次都係咁講。點知到夜晚都無收到email，打兩次電話去問，點知佢話係聽晚唔係今晚，超超超無賴！小佢老母個臭西！嗰日佢根本就係敷衍我地，打發我地走！我地叫佢點都要今晚做起俾我地，佢話通頂都做起俾我地。零晨一點半終於收到email，一睇就見Cover打錯我地個名，真係...有好多野我地已經係零要求，點解係咁㗎！
最後喺6月頭收到相薄及畫，基本上有得收已經好開心，終於可以同佢一刀兩斷喇！（震臂中）
Wedding Whisper 真係一間黑店，無服務無質素無誠信嘅婚紗攝影公司。呢個係我同我老婆嘅親身經歷，絕無作野！我只想大家搞人生大事其間可以避免呢啲咁無賴嘅黑店。我希望個老闆Michelle都見到呢篇野，因為絕對可以解釋點解佢地之前嗰間舖要執，仲要鬼鬼崇崇嗰隻！
多謝大家花時間聽小弟我呢個親身經歷。講真，錢都事小，係唔尊重及欺騙顧客，收錢前後服務兩極先最火！呢一年心理好不安，行過尖沙咀嗰頭都諗起呢間野...
| 
