|
蝦同魚一樣會識飽嗎？因為我見蝦一邊食一邊屙，所以係到諗，蝦係咪會飽死定唔知飽 ？
Ａ：如果係飽死都係牠健康問題，蝦之所以一邊食一邊屙是牠的消化功能比其他生物強，所似才有此現象，而魚沒那麼強就會有飽的現象而不會再進食，如果想深入了解蝦的消化功能，在網上也可找到資料看的，在這裡不詳說。
小弟有時望蝦，會發現某幾隻蝦好喜歡爬上水面，意思係出水口沿住條管，咁隻蝦就沿住條管向出水口爬...什至爬到有3/4個身係上左水面，係咪由得佢？
Ａ：蝦就是這樣，牠受驚/找食物時都會逆流而上，即是向有水流出的地方爬去，當然，如無去路就會返轉頭，亦都不會離水大久而不返，隨非跳缸，所以蝦缸水位就不宜太高，以免爬兩爬就爬了出去。
蒙脫石要幾耐先換一次？
Ａ：一般約3個月，我就不換拿出來括走表面青苔再放回用。
浮萍應該只係浸住ｄ根定係浸埋葉底？如果根太長 可唔可以剪走d根？
Ａ：只要根部浸水就可以，根太長可修剪沒問題的。
小弟個缸已開近月，白線虫問題一直煩擾我，但幸好數目都係Ｋｅｅｐ住少量，但長度最長一條有２.５ｃｍ長，餵食已是兩日餵一次一粒極餵餌棒，有什麼方法可以令這虫絕跡？而家都只係見一條吸一條，有時見缸邊泥底有幾條就會插支飲管入去連吸幾條。
Ａ：缸日子久了，有機物多了也自然多了這些生物是很正常，這就是食物鏈關係，所以絕跡是沒可能的，除非重新再來，想線蟲少一點就要多一點清理泥面，讓泥裡有機廢物減少，蟲自然會少。
小弟琴日望住隻蝦，有隻明顯神情呆滯﹍隻隻圍住食野佢就行開一二邊，４∼５日前佢先換完殼，而家又無換殼跡象，但今日朝早起身就見佢好生猛四圍行，蝦會不會同人一樣有病痛？定係本身唔健康？
Ａ：蝦在脫殼前後幾天就是這樣會躲起來不太活動，因為脫殼後新殼未迅即變硬，很易被敵人攻擊，所以會躲起來保護自己，當外殼正常後自然正常活動，並不是病毒問題，如蝦有病，通常都救不了的，而且也會傳給其他蝦隻，所以若有蝦是不沉常死就要取走及換水及加硝化菌，避免病毒加強擴散。
小弟之前問過幾位玩蝦既朋友，都話蝦比較中意慢d既水流 但係小弟個缸既蝦 隻隻都好中意向住出水位係咁沖，係咁游，游到一陣就落番去搵野食，咁蝦缸水流應該如何？
Ａ：他不是愛沖水流，而是知道有水流的出口週圍有較多微藻吃，所以才會游向水流位找食物，蝦缸水流以慢莫快，因為強流有機會令蝦隻疲累致死的。
蝦是不是特別喜歡浮萍？因為常常見好幾隻蝦係到玩攀石咁一直爬...
Ａ：不是，而是為了找食物，因為浮萍的根部有較多微生物和藻類積聚。
一般公蝦母蝦大約咩size先會交配？
Ａ：公蝦大約１.５ｃｍ左右，而母蝦就大一點約１.７或以上，但主要看母蝦卵子成熟否。
為什麼一些蝦既蝦鬚一ｄ係呈直線 一ｄ就好似龍鬚彎彎地？
Ａ：所有蝦是一樣的，主要有六條觸鬚，四短兩長，而長的兩條是能前後擺動，目的是感應環境，如像雷達探測一樣。
小弟有一隻蝦，個尾由四點變左做兩點，是不是水質有問題？（其他蝦都無咁既情況）
Ａ：有可能是蝦的基因問題，正如甩白一樣。
因為搵左木板遮太陽，所以缸好黑，想問一下，如果燈照由下午1點就開始開﹍除左會有可能爆藻問題..咁對蝦會唔會有影響？同埋Ｍｏｓｓ照得多係咪都會死=.=
Ａ：如爆太多藻就有間接影響，太多藻會令水中含氧量減少對水質生物不好，莫斯照太多不會死，只會越長越密。
天氣開始熱﹍小弟沒錢買水冷，風扇又好似無咩用﹍想問一下，可否放一個冰袋裝了水結了冰，放左近水面但不接觸水 對降溫有幫助嗎？（會時常換冰）
Ａ：不要這樣，因為很難恒溫的，水忽冷忽熱只會更易令蝦死亡，建議還是開冷氣或用水冷恒溫。
現在因買了一個AT3336桶 800L流量，原本係用緊一個EF05 200L既桶 現在兩桶都Ｆｕｌｌ哂生物環，但怕直接用新桶而不用原本果個會有很大落差，所以而家同時開住，都幾日了，蝦都沒有問題出現，想問一下，到了什麼時候，先可以拎走原先果個而只用AT3336？（小弟缸１８Ｌ水）
Ａ：可以的話不要取走，如要取走，我建議３個月或以上。
小弟買了一隻ＧＨ試劑 但試了幾次 都做唔到說明書入面顏色既變化 話會由紅色變棕色再變綠色 但小弟滴左成１０滴落去 依足份量、顏色都係棕色，一滴等於１ＫＨ 沒有理由KH咁大吧﹍所以想請教一下有無人用呢種， 可以教教小弟點用嗎？
Ａ：不知你說那種，最好還是看清楚說明，如想對比是那方面出問題，可先用水喉水做測試是否依然是這樣不轉色，如仍沒反應，可能是測試液有問題。
小弟自己裝左燈之後就無做防跳缸措施，開缸無耐果陣 曾有一隻虎牙跳缸身亡-.-想問一下，蝦通常咩情形先會自尋短見？
Ａ：蝦通常受驚和不適應水質及環境就會有這情況發生。
一般蝦都係大約年幾年半命，有無方法可以識別年老既蝦？避免買到就快老死既蝦。
Ａ：年老的蝦一般都有甩白情況，而且身型較大及陀背，觸鬚很長，狀態也不醒神及行動慢。
| 
